ନୂଆଦିଲ୍ଲୀ: ରାଜସ୍ଥାନର ବେୱାରରେ ଏକ ଏସିଡ କାରଖାନାରେ ନାଇଟ୍ରୋଜେନ ଗ୍ୟାସ ଲିକ ହେବା ଫଳରେ କାରଖାନା ମାଲିକ, ଶ୍ରମିକଙ୍କ ମୃତ୍ୟୁ ହୋଇଛି ବୋଲି ମଙ୍ଗଳବାର ଦିନ କର୍ତ୍ତୁପକ୍ଷ କହିଛନ୍ତି । ସୋମବାର ସନ୍ଧ୍ୟାରେ ୱାର୍ଡ ନମ୍ବର ୫୧ରେ ଏକ ଟ୍ୟାଙ୍କର କାରଖାନାର ଗୋଦାମରେ ନାଇଟ୍ରୋଜେନ ଗ୍ୟାସ ଖାଲି କରୁଥିବା ସମୟରେ ଏହି ଅଘଟଣ ଘଟିଥିଲା । ସେମାନଙ୍କୁ ସଙ୍ଗେ ସଙ୍ଗେ ଡାକ୍ତରଖାନା ନିଆଯାଇଥିଲା । ପୋଲିସର ସୂଚନା ଅନୁସାରେ, ହସ୍ପିଟାଲରେ ଚିକିତ୍ସା ସମୟରେ କାରଖାନା ମାଲିକ ସୁନୀଲ ସିଂଘଲଙ୍କ ସୋମବାର ବିଳମ୍ବିତ ରାତିରେ ମୃତ୍ୟୁ ହୋଇଥିବା ବେଳେ ଆଜି ସକାଳେ ଶ୍ରମିକ ଜିତେନ୍ଦ୍ର ସୋଲାଙ୍କିଙ୍କ ମୃତ୍ୟୁ ହୋଇଛି । ଏ ଯାବତ ୪୫ ଜଣ ସ୍ଥାନୀୟ ହସ୍ପିଟାଲରେ ଚିକିତ୍ସାଧୀନ ଅଛନ୍ତି। ଗ୍ୟାସ ଲିକ ହେବା ପରେ ବେୱାର ଜିଲ୍ଲାପାଳ କାରଖାନାକୁ ସିଲ କରିବାକୁ ନିର୍ଦ୍ଦେଶ ଦେଇଛନ୍ତି ।
ଏସିଡ୍ କାରଖାନାରେ ନାଇଟ୍ରୋଜେନ୍ ଗ୍ୟାସ୍ ଲିକ୍: ୨ ମୃତ
