ନୂଆଦିଲ୍ଲୀ : ମେଲବର୍ଣ୍ଣ ଟେଷ୍ଟରେ କମାଲ କରିଛନ୍ତି ନୀତିଶ ରେଡ୍ଡି । ଶତକୀୟ ଇନିଂସ ଖେଳିଛନ୍ତି ଏବଂ ଫଲୋର ମଧ୍ୟ ଏଡାଇଛି ଟିମ ଇଣ୍ଡିଆ । କିନ୍ତୁ ଏବେବି ୧୧୬ ରନ ପଛରେ ରହିଛି ଭାରତୀୟ ଟିମ । ଏହାରି ଭିତରେ ନୀତିଶ ରେଡ୍ଡିଙ୍କର ଜଲୱା । ଏହି ଶତକିୟକୁ ନେଇ କ୍ରିକେଟ ପ୍ରେମୀଙ୍କ ମଧ୍ୟରେ କ୍ରେଜ ବଢୁଛି । ନିଜ ଟେଷ୍ଟ କ୍ୟାରିଅରର ପ୍ରଥମ ଶତକ ହାସଲ କରିଛନ୍ତି ନୀତିଶ ରେଡ୍ଡି । ତୃତୀୟ ଦିନ ଖେଳ ଶେଷ ସୁଦ୍ଧା ୯ ୱିକେଟରେ ୩୫୮ ରନ କରିଛି ଟିମ ଇଣ୍ଡିଆ । ଫଲୋନ ଏଡାଇଛି ସତ କିନ୍ତୁ ୧୧୬ ରନ ପଛରେ ରହିଛି ଟିମ ଇଣ୍ଡିଆ । ମେଲବର୍ଣ୍ଣରେ ଖେଳାଯାଉଥିବା ବଡ ଗାଭାସ୍କର ଟ୍ରଫିର ଚତୁର୍ଥ ଟେଷ୍ଟରେ ନୀତିଶ କୁମାର ରେଡ୍ଡୀ ଚମତ୍କାର ଶତକୀୟ ଇନିଂସ ଖେଳିଛନ୍ତି । ଅଷ୍ଟ୍ରେଲିଆର ଶକ୍ତିଶାଳୀ ତଥା ଅଭିଜ୍ଞ ବୋଲର ନୀତିଶଙ୍କ ଆଗରେ ଫେଲ ମାରିଥିବା ମଧ୍ୟ ଦେଖିବାକୁ ମିଳିଛି । ନୀତିଶ ରେଡ୍ଡି ୧୭୧ଟି ବଲରୁ ୧୦ଟି ଚଉକା ଏବଂ ଗୋଟିଏ ଛକା ସହାୟତାରେ ନିଜର ଶତକ ପୂରଣ କରିଛନ୍ତି । ନୀତିଶ ଅଷ୍ଟମ ନମ୍ବର ବ୍ୟାଟିଂ କରିବାକୁ ପଡିଆକୁ ଆସିଥିଲେ । ସେ କଠିନ ପରିସ୍ଥିତିରେ ଦଳକୁ ବାହାର କରିଛନ୍ତି । ତାଙ୍କ ଶତକୀୟ ଇନିଂସ ଟିମ ଇଣ୍ଡିଆକୁ ଏକ ଶକ୍ତିଶାଳୀ ସ୍ଥାନରେ ପହଞ୍ଚାଇଛି । ନୀତିଶଙ୍କ ସହ ୱାସିଂଟନ ସୁନ୍ଦର ଅର୍ଦ୍ଦଶତକୀୟ ହାସଲ କରି ଏକ ଗୁରୁତ୍ୱପୂର୍ଣ୍ଣ ଭୁମିକା ମଧ୍ୟ ଗ୍ରହଣ କରିଛନ୍ତି । ଅଷ୍ଟମ ୱିକେଟ ପାଇଁ ନୀତିଶ ଏବଂ ୱାସିଂଟନ ସୁନ୍ଦର ୧୨୭ ରନର ପାର୍ଟନରସିପ କରିଥିଲେ ।
