ନୂଆଦିଲ୍ଲୀ: ବିଶ୍ୱ ପାରା ଆଥଲେଟିକ୍ସ ଚାମ୍ପିୟନସିପରେ ଭାରତକୁ ଆଉ ୨ ସ୍ୱର୍ଣ୍ଣ । ହାଇ ଜମ୍ପର ନିଶାଦ କୁମାର ଓ ସ୍ପ୍ରିଣ୍ଟର ସିମରନ ସିଂଙ୍କୁ ସ୍ୱର୍ଣ୍ଣ ପଦକ ମିଳିଛି । ହାଇଜମ୍ପର ଟି- ୪୭ ଇଭେଣ୍ଟରେ ନିଶାଦଙ୍କୁ ସ୍ୱର୍ଣ୍ଣ ମିଳିଛି । ଅନ୍ୟ ପକ୍ଷରେ ସିମରନ ଟି-୧୨ ଇଭେଣ୍ଟରେ ସ୍ୱର୍ଣ୍ଣ ଜିତିଲେ । ୨.୧୮ ମିଟର ଡେଇଁ ନିଜ ରେକର୍ଡ ଭାଙ୍ଗିଲେ ନିଶାଦ କୁମାର । ପୂର୍ବ ୨ ସଂସ୍କରଣର ରୌପ୍ୟ ପଦକ ବିଜେତା ହେଲେ ନିଶାଦ କୁମାର । ଅଲିମ୍ପିକ୍ସ ବ୍ରୋଞ୍ଜ ବିଜୟିନୂ ସିମରନଙ୍କୁ ଦ୍ୱିତୀୟ ବିଶ୍ୱ ଚାମ୍ପିୟନସିପ ସ୍ୱର୍ଣ୍ଣ । ୬ ସ୍ୱର୍ଣ୍ଣ ସହ ପଦକ ତାଲିକାର ଚତୁର୍ଥ ସ୍ଥାନରେ ଭାରତ ।
ଅନ୍ୟପଟେ ନିଷାଦ କହିଛନ୍ତି “ମୁଁ ବହୁତ ଦିନ ଧରି ଏହି ଦିନ ପାଇଁ ଅପେକ୍ଷା କରିଥିଲି। ଏହା ମୋ ପାଇଁ, ମୋ ପରିବାର ଏବଂ ପ୍ରଶିକ୍ଷକମାନଙ୍କ ପାଇଁ ସର୍ବୋତ୍ତମ ଜନ୍ମଦିନ ଉପହାର। ମୁଁ ପ୍ୟାରିସରେ ମଧ୍ୟ ଏଥିପାଇଁ ପ୍ରସ୍ତୁତି କରୁଥିଲି, କିନ୍ତୁ କେତେକ ସମୟରେ ମୁଁ ଅଧିକ ଚିନ୍ତା କରିବାକୁ ପ୍ରବୃତ୍ତ ହୁଏ। ଏଥର ସବୁକିଛି ସିଦ୍ଧ ଥିଲା। ଆଜି, ବିଶ୍ୱର ସବୁଠାରୁ ବଡ଼ ଶକ୍ତି ମୋ ସହିତ ଥିଲା – ମୋ ମାଆ। ମୋତେ ଲାଗୁଥିଲା ଯେ ମୁଁ ତାଙ୍କ ସ୍ୱପ୍ନ ପୂରଣ କରୁଛି ।୨୫ ବର୍ଷୀୟା ସିମରନ୍ ୧୧.୯୫ ସେକେଣ୍ଡର ବ୍ୟକ୍ତିଗତ ଶ୍ରେଷ୍ଠ ସମୟ ସହିତ ମହିଳା ୧୦୦ ମିଟର ଟି୧୨ ଫାଇନାଲରେ ବିଜୟୀ ହୋଇ ଭାରତୀୟ ପ୍ରଶଂସକମାନଙ୍କୁ ଖୁସି କରିଥିଲେ। ତାଙ୍କ ଗାଇଡ୍ ଉମର ସୈଫିଙ୍କ ସହ ଦୌଡ଼ି, ସିମରନ୍ ଆରମ୍ଭରୁ ଶେଷ ପର୍ଯ୍ୟନ୍ତ ନେତୃତ୍ୱ ନେଇଥିଲେ, ଉଲ୍ଲେଖନୀୟ ଶକ୍ତି ଏବଂ ସ୍ଥିରତା ପ୍ରଦର୍ଶନ କରି ପଦକ ସଫଳତା ହାସଲ କରିଥିଲେ।
