ନୂଆଦିଲ୍ଲୀ : ଭୟଙ୍କର ଭୁକମ୍ପରେ ଥରିଲା ନେପାଳ ଏବଂ ଭୁଟାନ । ଏହି ଭୁକମ୍ପର ତୀବ୍ରତା ରିକ୍ଟର ସ୍କେଲରେ ୭.୧ ରେକର୍ଡ କରାଯାଇଛି । ନେପାଳ ଲୋବୁଚେ ଭୁକମ୍ପର କେନ୍ଦ୍ରସ୍ଥଳ ରହିଛି । ଲୋକଙ୍କ ମନରେ ଆତଙ୍କ ସୃଷ୍ଟି ହୋଇଛି । ଆଜି ସକାଳେ ୬ଟା ୩୫ରେ ଭୁକମ୍ପ ଅନୁଭୁତ ହୋଇଥିଲା । ୧ ଘଣ୍ଟା ଭିତରେ ୬ଥର ଭୁକମ୍ପ ହୋଇଥିବା ଜଣାପଡିଛି । ଏହାର ପ୍ରଭାବ ଚୀନ୍ ସମେତ ଭାରତର ଦିଲ୍ଲୀ, ବିହାର, ଆସାମ ଏବଂ ପଶ୍ଚିମବଙ୍ଗ ପର୍ଯ୍ୟନ୍ତ ଦେଖାଯାଇଛି। ରିପୋର୍ଟ ଅନୁସାରେ ଜଣାପଡିଛି ଯେ, ଭୁକମ୍ପରେ ପାଖାପାଖି ୩୬ ଜଣଙ୍କର ମତ୍ୟୁ ହୋଇଥିବା ବେଳେ ୩୮ ଜଣ ଆହତ ହୋଇଛନ୍ତି । ନେପାଳ ସୀମା ନିକଟ ତିଦ୍ଦତରେ ଆଜି ସକାଳେ ଭୁକମ୍ପ ହୋଇଥିଲା । ନେପାଳର ୮୪ କିଲୋମିଟର ଉତ୍ତର- ପଶ୍ଚିମ ଲୋବୁଚେ ଏହି ଭୁକମ୍ପର କେନ୍ଦ୍ରସ୍ଥଳ ରହିଛି । ଏହାର ପ୍ରଭାବ ଭାରତରେ ଦିଲ୍ଲୀ , ବିହାର , ଆସାମ ଏବଂ ପଶ୍ଚିମବଙ୍ଗ ପର୍ଯ୍ୟନ୍ତ ଦେଖାଦେଇଛି । ଭୁକମ୍ପରେ ବ୍ୟାପକ କ୍ଷୟକ୍ଷତି ଘଟିଛି । ତା ସହ ବଡ ବଡ କୋଠା ଭଙ୍ଗିଯାଇଛି ା ସେଠାକାର ଜଣେ ବାସିନ୍ଦା ଗଣମାଧ୍ୟମକୁ କହିଛନ୍ତି ଯେ ମୁଁ ଶୋଇଥିବା ଅବସ୍ଥାରେ ବିଛଣା ଏବଂ ଝରକା ଥରି ଉଠିଥିଲା । ଏହା ଜୋରରେ ଥରିବାରୁ ମୁଁ ଭୟଭୀତ ହୋଇଯାଇଥିଲି । ସୂଚନା ଅନୁସାରେ ଜଣାପଡିଛି, ମଙ୍ଗଳବାର ଦିନ ତିନୋଟି ଦେଶକୁ ଭୁକମ୍ପର ଝଟକା ଲାଗିଥିଲା । ନେପାଳରେ ହୋଇଥିବା ଭୁକମ୍ପର ତୀବ୍ରତା ରିକ୍ଟର ସ୍କେଲରେ ୭.୧ ଥିଲା । ବିହାର , ସିକ୍କିମ , ଆସାମ ଏବଂ ଉତ୍ତର ବେଙ୍ଗଲ ସମେତ ଭାରତର ଅନେକ ଅଞ୍ଚଳରେ ମଧ୍ୟ ଭୁକମ୍ପ ଅନୂଭୂତ ହୋଇଥିଲା । ତିଦ୍ଦତରେ ୬.୮ ତୀବ୍ରତାର ଭୁକମ୍ପ ହୋଇଥିବା ରେକର୍ଡ କରାଯାଇଛି । ଚୀନର ରାଜ୍ୟ ପ୍ରସାରଣକାରୀ ସିସିଟିଭି ଅନୁଯାୟୀ ଜଣାପଡିଛି ଯେ ଗତ ୫ ବର୍ଷ ମଧ୍ୟରେ ୨୯ ଥର ଭୁକମ୍ପ ହୋଇଥିଲା ା ତାହା ତୁଳନାରେ ମଙ୍ଗଳବାର ହୋଇଥିବା ଭୁକମ୍ପଟି ସବୁଠାରୁ ଛୋଟ ଥିଲା ।
