ପାଟଣା: ବିହାର ବିଧାନସଭା ନିର୍ବାଚନର ମାତ୍ର କିଛି ମାସ ପୂର୍ବରୁ, ମୁଖ୍ୟମନ୍ତ୍ରୀ ନୀତିଶ କୁମାରଙ୍କ ଅଧ୍ୟକ୍ଷତାରେ ରାଜ୍ୟ କ୍ୟାବିନେଟ୍ କଳାକାରମାନଙ୍କ ପାଇଁ ମୁଖ୍ୟମନ୍ତ୍ରୀ କଳାକାର ପେନସନ ଯୋଜନା ଏବଂ ମୁଖ୍ୟମନ୍ତ୍ରୀ ଗୁରୁ ଶିଷ୍ୟ ପରମ୍ପରା ଯୋଜନାକୁ ମଞ୍ଜୁରୀ ଦେଇଛି। ଏକ ବିବୃତ୍ତିରେ, ରାଜ୍ୟ ସରକାର କହିଛନ୍ତି ଯେ ରାଜ୍ୟର ଗ୍ରାମାଞ୍ଚଳ ଏବଂ ସହରାଞ୍ଚଳରେ ରହୁଥିବା ପାରମ୍ପରିକ, ଶାସ୍ତ୍ରୀୟ, ଦୃଶ୍ୟ ଏବଂ ପ୍ରଦର୍ଶନ କଳା ସହିତ ଜଡିତ କଳାକାରମାନଙ୍କୁ ମାସିକ 3000 ଟଙ୍କା ପେନସନ ଦିଆଯିବ।
ଏହି ଯୋଜନା ପାଇଁ, ବିଭାଗ ଚୟନ ପ୍ରକ୍ରିୟା ଆରମ୍ଭ କରିବ ଏବଂ ଜିଲ୍ଲା କମିଟି ଦ୍ୱାରା ଜିଲ୍ଲା ସ୍ତରରେ ଆବେଦନଗୁଡ଼ିକୁ ସମୀକ୍ଷା କରିବା ପରେ, ଏହାକୁ ରାଜ୍ୟସ୍ତରୀୟ ବିଭାଗୀୟ କମିଟିକୁ ପଠାଯିବ। ମଙ୍ଗଳବାର କ୍ୟାବିନେଟରେ ଆଉ ଏକ ଯୋଜନା ମୁଖ୍ୟମନ୍ତ୍ରୀ ଗୁରୁ-ଶିଷ୍ୟ ପରମ୍ପରା ଯୋଜନାକୁ ମଧ୍ୟ ମଞ୍ଜୁରୀ ଦିଆଯାଇଛି। ଏହା ଅଧୀନରେ, ପ୍ରାୟ ବିଲୁପ୍ତ ଲୋକକଥା, ଲୋକନାଟ୍ୟ, ଲୋକନୃତ୍ୟ, ଲୋକସଙ୍ଗୀତ, ଲୋକବାଦ୍ୟ, ଶାସ୍ତ୍ରୀୟ କଳା ଏବଂ ଚିତ୍ରକଳା ଶିକ୍ଷା ଦେବା ପାଇଁ ଗୁରୁ, ସଂଗୀତଜ୍ଞ ଏବଂ ଶିଷ୍ୟଙ୍କ ପାଇଁ ଯଥାକ୍ରମେ 15000 ଟଙ୍କା, 7500 ଟଙ୍କା ଏବଂ 3000 ଟଙ୍କା ମାସିକ ସମ୍ମାନ ପ୍ରଦାନର ବ୍ୟବସ୍ଥା କରାଯାଇଛି। ସରକାରଙ୍କ ଏହି ପଦକ୍ଷେପ ବିଲୁପ୍ତ ହେବାକୁ ଥିବା ସମସ୍ତ ଲୋକକଳାକୁ ରକ୍ଷା କରିବ ବୋଲି ଆସ କରାଯାଉଛି ।
