ଉତ୍ତର ପ୍ରଦେଶ: ଉତ୍ତର ପ୍ରଦେଶର ନୋଏଡାରେ ଏକ ଲଜ୍ଜ୍ଧକ୍ସନକ ଘଟଣା ସାମ୍ନାକୁ ଆସିଛି। ଜଣେ ମଦ୍ୟପ ବ୍ୟକ୍ତି ଏସଆଇଆର ପ୍ରକ୍ରିୟାରେ କାର୍ଯ୍ୟରତ ଜଣେ ମହିଳାଙ୍କୁ ଅସଦାଚରଣ କରିଥିବା ନେଇ ଅଭିଯୋଗ ହୋଇଛି। ଘଟଣାଟି ନୋଏଡାର ସେକ୍ଟର ୨୪ ଅଧୀନରେ ଅବସ୍ଥିତ ସେକ୍ଟର ୧୨ର ଏକ ପ୍ରାଥମିକ ବିଦ୍ୟାଳୟରେ ଘଟିଛି। ଜଣେ ମହିଳା ବିଏଲଓ ଏସଆଇଆର ପ୍ରକ୍ରିୟା କାର୍ଯ୍ୟ କରୁଥିଲେ। ସେହି ସମୟରେ ଜଣେ ମଦ୍ୟପ ବ୍ୟକ୍ତି ତାଙ୍କୁ ଭୋଟ ବିଷୟରେ ପଚାରି ଧମକ ଦେବା ସହ ଅଶ୍ଲୀଳ ଭାଷାରେ ଗାଳିଗୁଲଜ କରିଥିଲେ। ବ୍ୟକ୍ତି ଜଣକ ନିଜକୁ ଯୋଗିନ୍ଦର ବୋଲି ପରିଚୟ ଦେଇ, ମୋବାଇଲ୍ ଫୋନ୍ ଧରି ବିଏଲଓଙ୍କୁ ତାଙ୍କ ଭୋଟ୍ ବିଷୟରେ ପଚରା ଉଚରା କରିବା ଆରମ୍ଭ କଲେ। ଯେତେବେଳେ ମହିଳା ବିଏଲଓ ଉତ୍ତର ଦେଲେ ଯେ ତାଙ୍କର ଭୋଟ୍ ସେଠାରେ ନାହିଁ, ସେ ତାଙ୍କୁ ଚିତ୍କାର କରିବାକୁ ଲାଗିଲେ ଏବଂ ଧମକପୂର୍ଣ୍ଣ ସ୍ୱରରେ କହିଲେ, “ମୋତେ ହାଲୁକା ଭାବରେ ନିଅ ନାହିଁ, ମୋର ନାମ ଯୋଗିନ୍ଦର।”
ମହିଳା ବିଏଲଓ ତାଙ୍କୁ ବାରମ୍ବାର ବୁଝାଇଥିଲେ ଯେ ତାଙ୍କର ଭୋଟ୍ ଏହି ବୁଥ୍ରେ ରେକର୍ଡ ହୋଇନାହିଁ ଏବଂ ସେ ଏହା ବିଷୟରେ ପଚାରିବା ପାଇଁ ତାଙ୍କ ସମ୍ପୃକ୍ତ ବୁଥ୍କୁ ଯିବା ଉଚିତ। ଏହା ସତ୍ତ୍ୱେ, ଅଭିଯୁକ୍ତ ମହିଳା ବିଏଲଓ ଉପରେ ଚିତ୍କାର କରିବା ଏବଂ ଅପମାନଜନକ ଭାଷା ବ୍ୟବହାର କରିବା ଜାରି ରଖିଥିଲେ। ଏନେଇ ସୁପରଭାଇଜର/ବିଏଲଓ ସେକ୍ଟର ୨୪ ପୋଲିସ ଷ୍ଟେସନରେ ଅଭିଯୋଗ ଦାଖଲ କରିବା ପରେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା। ସରକାରୀ କାମରେ ବାଧା ସୃଷ୍ଟି କରିବା ଅଭିଯୋଗରେ ପୋଲିସ ଏକ ଏଫଆଇଆର ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି। ତଦନ୍ତରୁ ଜଣାପଡିଛି ଯେ ଭିଡିଓରେ ଥିବା ଅଭିଯୁକ୍ତ ଚୌରା ଗ୍ରାମର ହୁକୁମ ସିଂହଙ୍କ ପୁଅ ଜୋଗିନ୍ଦର। ଅଭିଯୋଗ ପରେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରି ଜୋଗିନ୍ଦରଙ୍କ ସମେତ ଦୁଇ ଜଣଙ୍କୁ ଗିରଫ କରି ଜେଲ ପଠାଇଛି। ଏହି ମାମଲାରେ ଅଧିକ ତଦନ୍ତ ଜାରି ରହିଛି।
