ପୁରୀରେ ନାବାଳକକୁ ହତ୍ୟା

ପୁରୀ: ପୁରୀରେ ନାବାଳକକୁ ହତ୍ୟା । ଏଭଳି ଅଭାବନୀୟ ଘଟଣା  ପୁରୀ ଜିଲ୍ଲାରେ ଘଟିଛି । ଶ୍ରୀସେତୁ  ନିକଟ ଜଳଭଣ୍ଡାରରୁ ନାବାଳକର କ୍ଷତାକ୍ତ ମୃତଦେହ ଉଦ୍ଧାର କରାଯାଇଛି । ପରିବାର ଲୋକେ ଜାଣିବା ପରେ   ହତ୍ୟା ଅଭିଯୋଗ ଆଣିଛନ୍ତି । କେହି ମାରି ଫିଙ୍ଗିଦେଇଥିବା ଅନୁମାନ କରିଛନ୍ତି ପରିବାର ଲୋକେ । ମୃତ ନାବାଳକ  ଟାଉନ ଥାନା ଅଞ୍ଚଳର, ମଙ୍ଗଳବାରଠୁ ନିଖୋଜ ଥିଲେ । ପୁଅ ନିଖୋଜ ନେଇ ଟାଉନ ଥାନାରେ ହୋଇଥିଲା ଅଭିଯୋଗ । ତେବେ ନିଖୋଜ ନାବାଳକ ପୁଅକୁ  କିଏ ଓ  କାହିଁକି ମାରିଲା  ଏନେଇ  ପୋଲିସ ତଦନ୍ତ କରୁଛି । ପରିବାର ଲୋକେ ଦୁଃଖରେ  ଭାଙ୍ଗିପଡିଛନ୍ତି ।