କୋଦାଳ ଆକ୍ରମଣରେ ନାବାଳକ ମୃତ

କରଞ୍ଜିଆ: ମୟୂରଭଞ୍ଜ ଜିଲ୍ଲାରେ ଜଣେ ନାବାଳକକୁ କୋଦାଳରେ ଆକ୍ରମଣ କରି ହତ୍ୟା କରାଯାଇଛି। ଏହି ଘଟଣା ଜିଲ୍ଲାର ଜଶୀପୁର ଥାନା ସୀମା ଅନ୍ତର୍ଗତ ମହର୍ଦ୍ଦାପାଳସା ଗାଁରେ ଘଟିଛି। ମୃତ ବାଳକର ପରିଚୟ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ସୂଚନା ଅନୁଯାୟୀ, ଆଜି ଅପରାହ୍ନରେ ଦୁଇଟି ପିଲା ଗାଁ ରାସ୍ତାରେ ଖେଳୁଥିଲେ, ଯେତେବେଳେ ସେମାନଙ୍କ ମଧ୍ୟରୁ ଜଣେ ଉତ୍ତେଜିତ ହୋଇ ଅନ୍ୟ ଜଣଙ୍କୁ କୋଦାଳରେ ଆକ୍ରମଣ କରିଥିଲେ। ଆକ୍ରମଣ ପରେ ସ୍ଥାନୀୟ ଲୋକମାନେ ଗୁରୁତର ଆହତ ବାଳକକୁ ଡାକ୍ତରଖାନାକୁ ନେଇଯାଇଥିଲେ। କିନ୍ତୁ ସେ ଆହତ ଅବସ୍ଥାରେ ମୃତ୍ୟୁବରଣ କରିଥିଲେ। ସୂଚନା ପାଇବା ପରେ ପୋଲିସ ଘଟଣାସ୍ଥଳକୁ ପହଞ୍ଚି ତଦନ୍ତ ଆରମ୍ଭ କରିଛି। ଅପରାଧ ପଛର କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ଶିଶୁଟିର ମୃତ୍ୟୁ ପରେ ଗାଁରେ ଶୋକର ଛାୟା ଖେଳିଯାଇଛି। ପୋଲିସ ତଦନ୍ତ ଜାରି ରଖିଛି।