ନାବାଳିକା ଦୁଷ୍କର୍ମକାରୀକୁ ୨୦ ବର୍ଷ ସଶ୍ରମ କାରାଦଣ୍ଡ

କଟକ: ନାବାଳିକା ଦୁଷ୍କର୍ମ ମାମଲାରେ କଟକର ତୃତୀୟ ଅତିରିକ୍ତ ଜିଲ୍ଲା ଓ ଦୌରାଜଜ୍ ତଥା ପୋକ୍‌ସୋ କୋର୍ଟ ଆସାମୀ ଅକ୍ଷୟ ସ୍ୱାଇଁକୁ ୨୦ବର୍ଷ ସଶ୍ରମ କାରାଦଣ୍ଡ ସହ ୬୦ ହଜାର ଟଙ୍କା ଜୋରିମାନା ଦାଖଲ କରିବାକୁ ଆଦେଶ ଦେଇଛନ୍ତି। ଜୋରିମାନା ଦାଖଲ ନ କରିପାରିଲେ ଆସାମୀକୁ ଆଉ ଅଧିକ ୨ବର୍ଷ ସଶ୍ରମ କାରାଦଣ୍ଡ ଭୋଗିବାକୁ ପଡ଼ିବ ବୋଲି ଅଦାଲତ ଆଦେଶରେ ସ୍ପଷ୍ଟ କରିଛନ୍ତି। ସାଲେପୁର ଛୁଆଳିଆର ଅକ୍ଷୟ ୨୦୨୩ ମସିହା ଫେବୃୟାରୀ ୨୮ତାରିଖରେ ଜଣେ ନାବାଳିକାକୁ ଭୟଭୀତ କରାଇ ଦୁଷ୍କର୍ମ କରିଥିବା ନେଇ ସାଲେପୁର ଥାନାରେ ଏତଲାରେ ଦର୍ଶାଯାଇଥିଲା। ପରେ ପୁଲିସ୍ ତଦନ୍ତ କରି ଅକ୍ଷୟକୁ ଗିରଫ ପରେ କୋର୍ଟରେ ଅଭିଯୋଗ ଫର୍ଦ୍ଦ ଦାଖଲ କରିଥିଲା। ଏହି ମାମଲାକୁ ସ୍ୱତନ୍ତ୍ର ପବ୍ଲିକ୍ ପ୍ରସିକ୍ୟୁଟର୍ ରମେଶ ଚନ୍ଦ୍ର ମହାନ୍ତି ପରିଚାଳନା କରୁଥିଲେ।