ବେଙ୍ଗାଲୁରୁ: ବେଙ୍ଗାଲୁରୁର ଏକ ରେଳ ଷ୍ଟେସନରୁ ବିହାରର ଜଣେ ଯୁବତୀ ପ୍ରବାସୀ ଶ୍ରମିକ ତାଙ୍କ ଭାଇ ସହିତ ଖାଦ୍ୟ ଖୋଜୁଥିବା ସମୟରେ ଗୁରୁବାର ଦିନ ଅପହରଣ ଏବଂ ବଳାତ୍କାର କରାଯାଇଛି । ଏଭଳି ଏକ ଘଟଣା ବେଙ୍ଗାଲୁରୁରୁ ଆସିଛି ।
ଅପହରଣ ସମୟରେ ପୀଡିତାଙ୍କ ଚିତ୍କାର ଶୁଣି ସ୍ଥାନୀୟ ଲୋକମାନେ ଘଟଣାସ୍ଥଳରେ ପହଞ୍ଚି ଜଣେ ବଳାତ୍କାରୀଙ୍କୁ ଧରି ମାଡ଼ ମାରିବା ପରେ ପୋଲିସକୁ ହସ୍ତାନ୍ତର କରିଥିଲେ। ପୋଲିସ ଅଭିଯୁକ୍ତଙ୍କୁ ପଚରାଉଚରା କରିବା ପରେ ଆଉ ଜଣେ ଅପରାଧୀଙ୍କୁ ଗିରଫ କରିଥିଲା। ସେମାନଙ୍କ ବିରୁଦ୍ଧରେ ଏକ ମାମଲା ରୁଜୁ କରିଛି ପୋଲିସ । ଘଟଣାଟି ରାତି ୧.୨୦ ରୁ ୧.୪୫ ମଧ୍ୟରେ ଘଟିଥିଲା। ପୋଲିସର ସୂଚନା ଅନୁଯାୟୀ, ୧୯ ବର୍ଷୀୟା ପୀଡିତା ବିହାରର ବାଙ୍କା ଜିଲ୍ଲାର ବାସିନ୍ଦା । ପରିବାର ଲୋକେ ସକାଳ ୯ଟାରେ କେରଳରୁ ବେଙ୍ଗାଲୁରୁ ଯିବା ପାଇଁ ଟ୍ରେନରେ ଚଢ଼ିଥିଲେ। ଟ୍ରେନଟି ରାତି ୧.୧୩ଟାରେ କେଆର ପୁରମ ଷ୍ଟେସନରେ ପହଞ୍ଚିଥିଲା, ଯେଉଁଠାରେ ପରିବାର ଲୋକ ଓହ୍ଲାଇଥିଲେ। ରାତି ପ୍ରାୟ ୧.୨୦ ସମୟରେ, ପୀଡିତା ଏବଂ ତାଙ୍କ ଭାଇ ଖାଦ୍ୟ ସନ୍ଧାନରେ ମହାଦେବପୁରା ଅଭିମୁଖେ ଚାଲିଚାଲି ଯାଉଥିବା ସମୟରେ , ଦୁଇ ଅଭିଯୁକ୍ତ ସେମାନଙ୍କୁ ରାସ୍ତା କଡ଼ରେ ରଖି ପୀଡିତାଙ୍କ ଭାଇକୁ ଆକ୍ରମଣ କରିଥିଲେ ।
ଅଭିଯୁକ୍ତମାନଙ୍କ ମଧ୍ୟରୁ ଜଣେ ପୀଡିତାଙ୍କ ଭାଇକୁ ଜୋରଜବରଦସ୍ତ ଧରି ରଖିଥିଲା, ଯେତେବେଳେ ଅନ୍ୟ ଜଣେ ପୀଡିତାଙ୍କୁ ଏକ ନିର୍ଜନ ସ୍ଥାନକୁ ଟାଣି ନେଇ ବଳାତ୍କାର କରିଥିଲା। ପୀଡିତା ପୋଲିସକୁ କହିଛନ୍ତି ଯେ, ବଳାତ୍କାରୀ ତାଙ୍କୁ ଚୁପ୍ କରିବାକୁ ଏବଂ ଚିତ୍କାର କରିବାରୁ ରୋକିବାକୁ ଚେଷ୍ଟା କରୁଥିଲା ।
