ରାସାୟନିକ କାରଖାନାରେ ଭୟଙ୍କର ଅଗ୍ନିକାଣ୍ଡ

ହରିଦ୍ୱାର: ରବିବାର ବିଳମ୍ବିତ ରାତିରେ ଉତ୍ତରାଖଣ୍ଡର ହରିଦ୍ୱାର ଜିଲ୍ଲାରେ ଏକ ରାସାୟନିକ କାରଖାନାରେ ଭୟଙ୍କର ଅଗ୍ନିକାଣ୍ଡ ଘଟିଛି। ବିବରଣୀ ଅନୁଯାୟୀ, ଜିଲ୍ଲାର ଇବ୍ରାହିମପୁର ଗାଁରେ ଥିବା କାରଖାନାରେ ଏହି ଘଟଣା ଘଟିଛି। ଘଟଣା ପରେ ପୋଲିସ ଏବଂ ଅଗ୍ନିଶମ ବିଭାଗ ଅଧିକାରୀମାନେ ନିଆଁକୁ ଆୟତ୍ତ କରିବା ପାଇଁ ଘଟଣାସ୍ଥଳରେ ପହଞ୍ଚିଛନ୍ତି। ପ୍ରାରମ୍ଭିକ ରିପୋର୍ଟ ଅନୁଯାୟୀ, ଅଗ୍ନିକାଣ୍ଡ ସମୟରେ କାରଖାନା ଭିତରେ ଅନେକ ଶ୍ରମିକ ଥିଲେ ଏବଂ କିଛି ଏବେ ବି ଫସି ରହିଥିବା ଅନୁମାନ କରାଯାଉଛି। ଅଧିକାରୀଙ୍କ ଅନୁଯାୟୀ, ଅଗ୍ନିକାଣ୍ଡର ତୀବ୍ରତା ଉଦ୍ଧାର କାର୍ଯ୍ୟକୁ କଷ୍ଟକର କରିଛି, ଘନ ଧୂଆଁ ଏବଂ ବିପଜ୍ଜନକ ସାମଗ୍ରୀ ଉଦ୍ଧାର କାର୍ଯ୍ୟକୁ ଆହୁରି ଜଟିଳ କରୁଛି।ହରିଦ୍ୱାର ଏସ୍ପି ପଙ୍କଜ ଗୈରୋଲା ଘଟଣାର ସତ୍ୟାସତ୍ୟ ପ୍ରକାଶ କରି କହିଛନ୍ତି, “ଏକ ରାସାୟନିକ କାରଖାନାରେ ଅଗ୍ନିକାଣ୍ଡ ଘଟିଛି। ଜଣେ ବ୍ୟକ୍ତିଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ନିଆଁକୁ ନିୟନ୍ତ୍ରଣ ଏବଂ ଲିଭାଇବା ପାଇଁ ପ୍ରୟାସ ଜାରି ରହିଛି।”