ମାଓ ଅପରେସନ ପ୍ରସଙ୍ଗ : ଗୃହ ମନ୍ତ୍ରାଳୟ ସହ ଡିଜିପିଙ୍କ ବୈଠକ

ଭୁବନେଶ୍ୱର : ମାଓ ଅପରେସନ ପ୍ରସଙ୍ଗରେ ଗୃହ ମନ୍ତ୍ରାଳୟର ବରିଷ୍ଠ ଅଧିକାରୀ  ସହ ଡିଜିପି ୱାଇ ବି ଖୁରାନିଆଙ୍କ    ବୈଠକ  ବସିଛି । ଛତିଶଗଡ ଡିଜିପି ମଧ୍ୟ  ବୈଠକରେ ସାମିଲ ଅଛନ୍ତି । ଛତିଶଗଡ ସୀମାରେ ପଶି ଅପରେସନ କରୁଛି  ଓଡିଶା ପୁଲିସ ।  ଅପରେସନରେ ୨ ରାଜ୍ୟର ପୁଲିସକୁ ମିଳିଛି ବଡ ସଫଳତା । ଏନକାଉଣ୍ଟରରେ ବର୍ତ୍ତମାନ ସୁଦ୍ଧା ୧୪ ମାଓବାଦୀ ନିପାତ ହୋଇଛନ୍ତି ।  ମୃତ୍ୟୁ ସଂଖ୍ୟା ଆହୁରି ବଢିପାରେ ବୋଲି ଆଶଙ୍କା କରାଯାଉଛି । ଗୁଇନ୍ଦା ତଥ୍ୟ ମିଳିବା ପରେ ମିଳିତ ଅପରେସନ ଆରମ୍ଭ ହୋଇଛି । ଛତିଶଗଡ କୁଲାରୀଘାଟ ସଂରକ୍ଷିତ ଜଙ୍ଗଲରେ ସଂଖ୍ୟାଧିକ  ମାଓବାଦୀ ଲୁଚି ରହିଥିବା ନେଇ  ଗୁଇନ୍ଦା ସୂଚନା ମିଳିଥିଲା ।  ଏହା ପରେ ଆରମ୍ଭ ହୋଇଥିଲା ମିଳିତ ଅପରେସନ ।