ମଣ୍ଡି ଅବ୍ୟବସ୍ଥା: ମିଲର୍ସଙ୍କ ଆନ୍ଦୋଳନ

ଖରିଫ ଧାନ କିଣା ଆରମ୍ଭରୁ  ମଣ୍ଡି ଅବ୍ୟବସ୍ଥା । ମିଲର୍ସ ଓ ସରକାରଙ୍କ ମଧ୍ୟରେ  ତୁଟୁନି ବିବାଦ ।  ଆଜିଠୁ ଆନ୍ଦୋଳନ କରିବେ ମିଲର୍ସ ।  ମଣ୍ଡିରୁ ଧାନ ଉଠାଇବେ ନାହିଁ ।  ଦାବି ପୂରଣ  ନ ହେବା ଯାଏଁ  ଆନ୍ଦୋଳନ ଚାଲିବ ବୋଲି  ରାଜ୍ୟ ମିଲର ସଂଘ  ସଭାପତି  ମହେଶ ବଂଶଲ କହିଛନ୍ତି ।   ଗତକାଲି ଏହାକୁ ନେଇ ବିଭାଗୀୟ ମନ୍ତ୍ରୀ ଓ ମିଲର୍ସ   ସଂଘ ମଧ୍ୟରେ  ଆଲୋଚନା ହୋଇଥିଲା । କିନ୍ତୁ ତାହା ବିଫଳ  ହୋଇଥିଲା । ଫଳରେ ରାଜ୍ୟରେ ଧାନ କିଣାକୁ ନେଇ ଅଡୁଆ ପରିସ୍ଥିତି ସୃଷ୍ଟି ହୋଇଛି ।  ଏ ବର୍ଷ ଆରମ୍ଭରୁ  ଏହି ବିବାଦ ଦେଖାଦେଇଥିଲା । ସରକାର କିନ୍ତୁ ଏହାର ସ୍ଥାୟୀ ସମାଧାନ କଲେ ନାହିଁ ।ଏବେ ପରିସ୍ଥିତି ଏପରି ହେଲା ଯେ, ଧାନ କିଣା ମଝିରେ ମିଲର୍ସ ଧାନ ଉଠାଇବା ବନ୍ଦ କରିଦେଲେ ।