ଢେଙ୍କାନାଳ: ଢେଙ୍କାନାଳରୁ ସାମ୍ନାକୁ ଆସିଛି ଲୋମହର୍ଷଣକାରୀ ଘଟଣା । ଘରେ ପଶି ମହିଳାଙ୍କ ହାତଗୋଡ଼ ବାନ୍ଧି ଦୁଷ୍କର୍ମ କରିଥିବା ଅଭିଯୋଗ ହୋଇଛି । ତବେ ପୀଡିତାଙ୍କ ଅଭିଯୋଗ ପରେ ଅଭିଯୁକ୍ତକୁ ବାନ୍ଧିଛି ପୋଲିସ । ଢେଙ୍କାନାଳ ସଦର ଥାନା ଅଞ୍ଚଳରୁ ସାମ୍ନାକୁ ଆସିଛି ଏହି ଘଟଣା । ସୂଚନା ଅନୁସାରେ, ଗତ ଶୁକ୍ରବାର ଦିନ ପୀଡିତା ଜଣକ ଘରେ ଏକୁଟିଆ ରହିଥିବା ବେଳେ ଅଭିଯୁକ୍ତ ଜଣକ ରାତି ପ୍ରାୟ ୮ଟା ସମୟରେ ଘରେ ପ୍ରବେଶ କରିଥିଲା ।
ଏହାପରେ ମହିଳାଙ୍କୁ ଦୁଷ୍କର୍ମ ପାଇଁ ଉଦ୍ୟମ କରିବା ବେଳେ ପୀଡିତାଜଣକ ଚିତ୍କାର କରିଥିଲେ । ଏହି ସମୟରେ ସେ ମୁହଁ ବନ୍ଦ କରି ଛୁରୀ ଦେଖାଇ ଦୁଷ୍କର୍ମ କରିଥିଲା । ଏନେଇ ପୀଡିତା ଆଜି ସଦର ଥାନାରେ ଅଭିଯୋଗ କରିଥିଲେ । ବର୍ତ୍ତମାନ ଢେଙ୍କାନାଳରେ ଏହା ଚର୍ଚ୍ଚାର ବିଷୟ ପାଲଟିଛି । ଅଭିଯୋଗ ଆଧାରରେ ତଦନ୍ତ କରି ପୋଲିସ ଅଭିଯୁକ୍ତକୁ ଗିରଫ କରିଛି । ତେବେ ଅଭିଯୁକ୍ତ ହୃଷୀକେଶର ଧର ଦେବଗଡ଼ ଜିଲ୍ଲା ବାରକୋଟ ଥାନା ଶରଣକୋଟ ଗାଁର ।
