ବିମାନରେ ଧୂମପାନ କରି ଯୁବକ ଗିରଫ

ନୂଆଦିଲ୍ଲୀ: ମୁମ୍ବାଇର ଛତ୍ରପତି ଶିବାଜୀ ମହାରାଜ ଅନ୍ତର୍ଜାତୀୟ ବିମାନ ବନ୍ଦରରେ ଜଣେ  ୨୫ ବର୍ଷୀୟ ଯାତ୍ରୀଙ୍କୁ ବିମାନର ଟଏଲେଟରେ ଧୂମପାନ କରିବା ଅଭିଯୋଗରେ  ଜଣେ ଯୁବକକୁ ଗିରଫ କରାଯାଇଛି । ଏନେଇ ଶନିବାର ଦିନ ପୋଲିସ ସୂଚନା ଦେଇଛନ୍ତି । ଜଣେ ଅଧିକାରୀ କହିଛନ୍ତି, ଶୁକ୍ରବାର ରାତିରେ  ଫୁରେତ- ମୁମ୍ବାଇ ବିମାନରେ ଏହି ଘଟଣା ଘଟିଥିଲା । ଶୌଚାଳୟରୁ ଧୂଆଁ ବାହାରୁଥିବା ଦେଖି ଯାତ୍ରୀମାନଙ୍କ ମନରେ ଆତଙ୍କ ଖେଳିଯାଇଥିଲା । ଗିରଫ ବ୍ୟକ୍ତି, ଦକ୍ଷିଣ ମୁମ୍ବାଇର ନେପିଆନସିଆ  ରୋଡ ନିବାସୀ  ଭବ୍ୟ ଗୌତମ ଜୈନଙ୍କୁ  ବିମାନ ବନ୍ଦରରେ ପହଞ୍ଚିବା ପରେ ତାଙ୍କୁ ଅଟକ ରଖାଯାଇଥିଲା। ଜୈନ ବିମାନର ଶୌଚାଳୟ ଭିତରେ  ସିଗାରେଟ ଟାଣିଥିବା ଅଭିଯୋଗ ହୋଇଛି । ତାଙ୍କ ବିରୁଦ୍ଧରେ  ବିମାନ ଆଇନର ପ୍ରସଙ୍ଗିକ ଧାରା ଅନୁଯାୟୀ ମାମଲା ରୁଜୁ ହୋଇଛି । ସୂଚନା ଥାଉକି,  ଭାରତର ବିମାନ ଚଳାଚଳ ନିୟମ ଅନୁଯାୟୀ  ବିମାନରେ ଧୁମ୍ରପାନ କରିବା ନିଷେଧ ରହିଛି ।