ନୂଆଦିଲ୍ଲୀ: ଇସ୍ରାଏଲ୍ ଏହାର ପଦାତିକ ତଥା ଟ୍ୟାଙ୍କର ସୁରକ୍ଷା ପାଇଁ ଲେଜର ଅସ୍ତ୍ର ଚାହୁଁଛି। ଦେଶର ପ୍ରତିରକ୍ଷା ମନ୍ତ୍ରଣାଳୟ ଏବଂ ଅସ୍ତ୍ରଶସ୍ତ୍ର ଉତ୍ପାଦନକାରୀ କମ୍ପାନୀ ରାଫେଲ ଖୁବ ଶୀଘ୍ର ଏନେଇ ଏକ ଚୁକ୍ତି କରିବାକୁ ଯାଉଛନ୍ତି। ଏହା ଅନ୍ତର୍ଗତ ଇସ୍ରାଏଲ କମ୍ପାକ୍ଟ ଆଣ୍ଟି ମିସାଇଲ୍ ଲେଜର ସିଷ୍ଟମ କ୍ରୟ କରିବ। ଏହା ଯୁଦ୍ଧକ୍ଷେତ୍ରରେ ଶତ୍ରୁଙ୍କୁ ବଡ଼ ଝଟକା ଦେବ। ଏହା ଆଇଡିଏଫର ଟ୍ରଫି ଆକ୍ଟିଭ୍ ଡିଫେନ୍ସ ସିଷ୍ଟମ୍ କିମ୍ବା ଇସ୍ରାଏଲ୍ ଟ୍ୟାଙ୍କରେ ଲଗାଯାଇଥିବା ଆଇରନ୍ ଡୋମ୍ ସହିତ ସମାନ ହେବ। ସେନା ନିଜର ସୈନ୍ୟମାନଙ୍କ ସହିତ ଏହାକୁ ନିୟୋଜିତ କରିବ ଯାହା ଏକ ସକ୍ରିୟ ଲେଜର ଆଧାରିତ ପ୍ରତିରକ୍ଷା ବ୍ୟବସ୍ଥା ହେବ। ପ୍ରାଥମିକସ୍ତରରେ ଏହା ସ୍ବତନ୍ତ୍ର ୟୁନିଟ୍ ଏବଂ ଯୁଦ୍ଧ ବ୍ରିଗେଡ୍ରେ ନିୟୋଜିତ ହେବ।ଇସ୍ରାଏଲ ଲେବାନନ୍ ସୀମାରେ ବହୁ ବିପଦରୁ ମର୍କାଭା ମାର୍କ-୪ ଟ୍ୟାଙ୍କ ଏବଂ ସଶସ୍ତ୍ର ଯାନକୁ ସୁରକ୍ଷା ଦେଇଥିଲା। ଆସନ୍ତା ବର୍ଷ ଆରମ୍ଭରୁ ନୂତନ ସିଷ୍ଟମ୍ ଆଇଡିଏଫରେ ମୁତୟନ ହେବ ବୋଲି କୁହାଯାଉଛି।ଇସ୍ରାଏଲ କହିଛି, ଯଦି ହିଜବୁଲ୍ଲା ଚୁକ୍ତି ପାଳନ ନ କରେ ତେବେ ଏହା ଉପରେ ଆକ୍ରମଣ କରାଯିବ। ମଙ୍ଗଳବାର ଦିନ ଘୋଷଣା କରାଯାଇଥିବା ଅସ୍ତ୍ରବିରତି ହେଉଛି ଇସ୍ରାଏଲ ଏବଂ ହମାସ୍ ମଧ୍ୟରେ ଗାଜାରେ ପ୍ରାୟ ୧୪ ମାସର ଯୁଦ୍ଧକୁ ସମାପ୍ତ କରିବା ପାଇଁ ଏକ ପ୍ରମୁଖ ପଦକ୍ଷେପ। ବୁଧବାର ଭୋର୍ ୪ଟାରୁ ଅସ୍ତ୍ରବିରତି ଆରମ୍ଭ ହୋଇଛି।
