‘ଲାଲ ଡାଏରୀ’ ଖୋଲିବ ଚାଙ୍ଗୁର ବାବାଙ୍କ ଯୌନ କେଳେଙ୍କାରୀ!

ଲକ୍ଷ୍ନୌ : ଧର୍ମାନ୍ତରୀକରଣ ଗ୍ୟାଙ୍ଗର ମାଷ୍ଟରମାଇଣ୍ଡ ଚାଙ୍ଗୁର ବାବା ଓରଫ ଜମାଲୁଦ୍ଦିନଙ୍କ ବିଷୟରେ ନୂଆ ତଥ୍ୟ ସାମ୍ନାକୁ ଆସିଛି। ଉତ୍ତର ପ୍ରଦେଶ ଆଣ୍ଟି ଟେରୋରିଷ୍ଟ ସ୍କ୍ବାଡ ଦ୍ୱାରା କରାଯାଇଥିବା ଚଢାଉରେ ଏକ ଲାଲ ଡାଏରୀ ଉଦ୍ଧାର କରାଯାଇଛି, ଯେଉଁଥିରେ ଅନେକ ରାଜନେତା ଏବଂ ପୂର୍ବତନ ଅଧିକାରୀଙ୍କ ନାମ ଲେଖାଯାଇଛି। ସେମାନେ ୨୦୨୨ ବିଧାନସଭା ନିର୍ବାଚନରେ ଚାଙ୍ଗୁର ବାବାଙ୍କଠାରୁ ବିପୁଳ ପରିମାଣର ଟଙ୍କା ପାଇଥିବା ଅଭିଯୋଗ ହୋଇଛି। ପ୍ରବର୍ତ୍ତନ ନିର୍ଦ୍ଦେଶାଳୟ ମଧ୍ୟ ଏହି ମାମଲାର ତଦନ୍ତ ଆରମ୍ଭ କରିଛି। ଏହି ଡାଏରୀ ୧୦୬ କୋଟି ଟଙ୍କାର ବିଦେଶୀ ପାଣ୍ଠି ସହିତ ଜଡିତ ଏକ ନେଟୱାର୍କର ସୁରାକ ପ୍ରଦାନ କରିପାରେ। ଚାଙ୍ଗୁର ବାବାଙ୍କ ପ୍ରକୃତ ନାମ ଜମାଲୁଦ୍ଦିନ ଏବଂ ସେ ନେପାଳ ସୀମା ସଂଲଗ୍ନ ଉତ୍ତର ପ୍ରଦେଶର ବଳରାମପୁର ଜିଲାର ରାହରା ମାଫି ଗ୍ରାମର ବାସିନ୍ଦା। ସେ ସାଇକେଲରେ ମୁଦି ଏବଂ ତାବିଜ ବିକ୍ରୟ କରି ନିଜର କ୍ୟାରିଅର ଆରମ୍ଭ କରିଥିଲେ। କିନ୍ତୁ ଗତ ଦଶନ୍ଧିରେ, ସେ ବହୁ ସମ୍ପତ୍ତି ଏବଂ କୋଟି କୋଟି ଟଙ୍କାର ନେଟୱାର୍କ ଗଠନ କରିବାରେ ସଫଳ ହୋଇଥିଲେ।