କୋରିଆ ମାଷ୍ଟର୍ସ ସେମିରେ ହାରିଲେ କିରଣ ଜର୍ଜ

ନୂଆଦିଲ୍ଲୀ: ଭାରତର କିରଣ ଜର୍ଜ କୋରିଆ ମାଷ୍ଟର୍ସ ବ୍ୟାଡ୍‌ମିଣ୍ଟନ୍ ଟୁର୍ଣ୍ଣାମେଣ୍ଟ୍‌ର ପୁରୁଷ ସିଙ୍ଗଲ୍ସ ସେମିଫାଇନାଲ୍‌ରେ ଶନିବାର ଟପ୍ ସିଡ୍ ଇଣ୍ଡୋନେସିଆର କୁନ୍‌ଲାଭୁତ୍ ଭିତିଦସର୍ନଙ୍କଠାରୁ ପରାଜିତ ହୋଇଛି। ୨୪ ବର୍ଷୀୟ ଭାରତୀୟ ଶଟ୍‌ଲର୍ ୫୩ ମିନିଟ୍‌ର ମ୍ୟାଚ୍‌ରେ ୧୨-୨୧, ୨୦-୨୨ ସିଧା ଗେମ୍‌ରେ ପରାଜିତ ହୋଇଛନ୍ତି। ଏହା ପୂର୍ବରୁ ବିଶ୍ୱ ନଂ. ୪୪ ଜର୍ଜ ପଞ୍ଚମ ସିଡ୍ ଜାପାନର ତାକୁମା ଓବାୟାଶୀଙ୍କୁ ୨୧-୧୪, ୨୧-୧୬ ସିଧା ଗେମ୍‌ରେ ହରାଇ ସେମିରେ ସ୍ଥାନ ହାସଲ କରିଥିଲେ। କିରଣ ଜର୍ଜଙ୍କ ପରାଜୟ ପରେ ଟୁର୍ଣ୍ଣାମେଣ୍ଟ୍‌ରେ ଭାରତର ଅଭିଯାନ ଶେଷ ହୋଇଛି।