ନୂଆଦିଲ୍ଲୀ: ଭାରତୀୟ ରାଷ୍ଟ୍ର ସମିତି ମଙ୍ଗଳବାର ଦିନ ଏମଏଲସି କେ. କବିତାଙ୍କୁ ଦଳରୁ ନିଲମ୍ବନ କରିଛି । ଦଳ ବିରୋଧରେ କାଯ୍ୟ କରିବାରୁ ତାଙ୍କୁ ନିଲମ୍ବନ କରାଯାଇଛି । କବିତାଙ୍କ ପିତା ଏବଂ ତେଲେଙ୍ଗାନାର ପୂର୍ବତନ ମୁଖ୍ୟମନ୍ତ୍ରୀ କେ. ଚନ୍ଦ୍ରଶେଖର ରାଓଙ୍କ ଦ୍ୱାରା ନିଲମ୍ବନର ନିଷ୍ପତ୍ତି ନିଆଯାଇଛି। BRS ଏହି ବିଷୟରେ ଏକ ବିବୃତ୍ତି ଜାରି କରିଛି। ଦଳ କହିଛି ଯେ କବିତାଙ୍କ କାର୍ଯ୍ୟକଳାପ ଦଳ ବିରୋଧୀ ହୋଇଛି, ତେଣୁ ଏହି ନିଷ୍ପତ୍ତି ନିଆଯାଇଛି।କବିତା ତାଙ୍କ ନିଲମ୍ବନର ଗୋଟିଏ ଦିନ ପୂର୍ବରୁ BRS ଭିତରେ ହଇଚଇ ସୃଷ୍ଟି କରିଥିଲେ । ସେ ଦଳୀୟ ସହଯୋଗୀମାନଙ୍କ ଉପରେ KCRଙ୍କ ଭାବମୂର୍ତ୍ତି ଖରାପ କରିବାର ଅଭିଯୋଗ ଆଣିଥିଲେ। କବିତା ଦଳର ବରିଷ୍ଠ ନେତା ଟି. ହରିସ ରାଓ ଏବଂ ପୂର୍ବତନ ସାଂସଦ ମେଘା କୃଷ୍ଣ ରେଡ୍ଡୀଙ୍କ ବିରୋଧରେ ଗମ୍ଭୀର ଅଭିଯୋଗ ଆଣିଥିଲେ । ଇଣ୍ଡିଆନ୍ ଏକ୍ସପ୍ରେସ୍ ରିପୋର୍ଟ ଅନୁଯାୟୀ, କବିତା ନିଜେ ଇସ୍ତଫା ଦେବାର ଇଙ୍ଗିତ ଦେଇଥିଲେ।
