୨୩ରୁ କଂଗ୍ରେସର ନ୍ୟାୟ ଯାତ୍ରା

ନୂଆଦିଲ୍ଲୀ : ୨୩ରୁ କଂଗ୍ରେସର ନ୍ୟାୟ ଯାତ୍ରା । କଂଗ୍ରେସ ଅକ୍ଟୋବର ୨୩ରୁ ନ୍ୟାୟ ଯାତ୍ରା ଆରମ୍ଭ କରିବ । ଏହି ଯାତ୍ରାରେ କଂଗ୍ରେସ ସାଂସଦ ରାହୁଲ ଗାନ୍ଧି ଓ ପ୍ରିୟଙ୍କା ଗାନ୍ଧି ଯୋଗଦେବେ । ଉତ୍ସବକୁ ଦୃଷ୍ଟିରେ ରଖି ଏହି ଯାତ୍ରା ଚାରୋଟି ପର୍ଯ୍ୟାୟରେ ଚାଲିବ । ଅକ୍ଟୋବର ୨୩ରୁ ନ୍ୟାୟ ଯାତ୍ରା ଆରମ୍ଭ ହୋଇ ନଭେମ୍ବର ୨୮ରେ ଶେଷ ହେବ । ପ୍ରଥମ ପର୍ଯ୍ୟାୟରେ ଏହି ଯାତ୍ରା ଅକ୍ଟୋବର ୨୩ରୁ ୨୮ ପର୍ଯ୍ୟନ୍ତ ଚାଲିବ । ଏହାପରେ ନଭେମ୍ବର ୪ରୁ ୧୦, ପୁଣି ନଭେମ୍ବର ୧୨ରୁ ୧୮ ଏବଂ ଶେଷ ପର୍ଯ୍ୟାୟ ଯାତ୍ରା ନଭେମ୍ବର ୨୦ରୁ ୨୮ ପର୍ଯ୍ୟନ୍ତ ରହିବ । ଜମ୍ମୁ-କାଶ୍ମୀର ଏବଂ ହରିୟାଣା ବିଧାନସଭା ନିର୍ବାଚନ ପରେ ଏବେ ଦିଲ୍ଲୀରେ କଂଗ୍ରେସ ନ୍ୟାୟ ଯାତ୍ରା ଆରମ୍ଭ କରିବାକୁ ଯାଉଛି ।