କଟକ: ଜଷ୍ଟିସ୍ କୃଷ୍ଣ ଶ୍ରୀପଦଙ୍କୁ ଓଡ଼ିଶା ହାଇକୋର୍ଟକୁ ବଦଳି କରାଯାଇଥିବା ଜଣାପଡ଼ିଛି। ସୁପ୍ରିମକୋର୍ଟ କଲେଜିୟମ୍ ତାଙ୍କ ନାମ ସୁପାରିଶ କରିଛି। ସେ ବର୍ତ୍ତମାନ କର୍ଣ୍ଣାଟକ ହାଇକୋର୍ଟର ବିଚାରପତି ଅଛନ୍ତି। ସୁପ୍ରିମକୋର୍ଟ କଲେଜିୟମ ୭ ଜଣ ହାଇକୋର୍ଟ ବିଚାରପତିଙ୍କୁ ବିଭିନ୍ନ ହାଇକୋର୍ଟକୁ ବଦଳି କରିବାକୁ ସୁପାରିଶ କରିଥିଲେ। ତଦନୁସାରେ, ଜଷ୍ଟିସ୍ ଶ୍ରୀକୃଷ୍ଣ ଶ୍ରୀପାଦଙ୍କୁ ଓଡ଼ିଶା ହାଇକୋର୍ଟକୁ ବଦଳି କରାଯାଇଥିଲା।
ହାଇକୋର୍ଟ ସ୍ତରରେ ଅନ୍ତର୍ଭୁକ୍ତି ଏବଂ ବିବିଧତା ବୃଦ୍ଧି କରିବା ଏବଂ ନ୍ୟାୟ ପ୍ରଶାସନର ଗୁଣାତ୍ମକ ମାନକୁ ସୁଦୃଢ଼ କରିବା ଉଦ୍ଦେଶ୍ୟରେ, ସୁପ୍ରିମକୋର୍ଟ କଲେଜିୟମ ୧୫ ଏପ୍ରିଲ, ୨୦୨୫ ଏବଂ ୧୯ ଏପ୍ରିଲ, ୨୦୨୫ରେ ଅନୁଷ୍ଠିତ ଏହାର ବୈଠକରେ ହାଇକୋର୍ଟର ନିମ୍ନଲିଖିତ ବିଚାରପତିଙ୍କ ବଦଳି ସୁପାରିଶ କରିଛି ବୋଲି ଏକ ସରକାରୀ ବିବୃତ୍ତିରେ କୁହାଯାଇଛି। ଜଷ୍ଟିସ୍ ଶ୍ରୀକୃଷ୍ଣ ଶ୍ରୀପାଦଙ୍କ ଓଡ଼ିଶା ହାଇକୋର୍ଟରେ ଯୋଗଦାନ ପରେ ଓଡ଼ିଶା ହାଇକୋର୍ଟରେ ବିଚାରପତିଙ୍କ ସଂଖ୍ୟା ୧୯କୁ ବୃଦ୍ଧି ପାଇବ।
