ଲୋୟର ପିଏମଜିରେ ବିରୋଧୀ ଦଳଙ୍କ ମିଳିତ ଗଣଧାରଣା

ଭୁବନେଶ୍ୱର: ଲୋୟର ପିଏମଜିରେ ବିରୋଧୀ ଦଳଙ୍କ ମିଳିତ ଗଣଧାରଣା । ଲୋୟର ପିଏମଜିରେ ଗଣଧାରଣା ଦେଇଛନ୍ତି ୧୦ଟି ରାଜନୈତିକ ଦଳ । ଏହି ବିଶାଳ ଗଣଧାରଣାରେ ବିଜୁ ଜନତା ଦଳ, ପ୍ରମୁଖ କଂଗ୍ରେସ ଦଳ, ବାମପନ୍ଥୀ ଦଳ ଏବଂ ଫରୱାର୍ଡ ବ୍ଲକ ଗୁଡିକ ସାମିଲ ହୋଇଛନ୍ତି । ଏଥି ସହିତ ଏହି ଆନ୍ଦୋଳନରେ ପୁରୁଖା ନେତାମାନେ ମଧ୍ୟ ଏକଜୁଟ ହୋଇଛନ୍ତି । ସରକାରଙ୍କ ବିରୋଧରେ ରଣ ହୁଙ୍କାର ଦେଇଛନ୍ତି । ଏସସିବି ଅଗ୍ନିକାଣ୍ଡରେ ମୃତକଙ୍କୁ ନ୍ୟାୟ ଏବଂ ଘଟଣାରେ ଦାୟୀ ଅଧିକାରୀଙ୍କୁ ଗିରଫ , ସ୍ୱାସ୍ଥ୍ୟ ମନ୍ତ୍ରୀଙ୍କ ଇସ୍ତଫା  ସହ ସରକାର ତାଙ୍କୁ ମନ୍ତ୍ରୀ ମଣ୍ଡଳରୁ ବହିଷ୍କାର କରନ୍ତୁ ବୋଲି ଦାବି କରି ବିକ୍ଷୋଭ ପ୍ରଦର୍ଶନ କରିଛନ୍ତି ବିରୋଧୀ । ଆହୁରି ଦାବି କରିଛନ୍ତି ଯେ, ହାଇକୋର୍ଟ ବିଚାରପତିଙ୍କ ଦ୍ୱାରା ନ୍ୟାୟିକ ତଦନ୍ତ ଯାଥାଶୀଘ୍ର ରିପୋର୍ଟ ପ୍ରକାଶ କରାଯାଉ, ପ୍ରତ୍ୟେକ ମୃତକ ପରିବାରକୁ ୧ କୋଟି ଟଙ୍କା ସହାୟତା ଓ ସରକାରୀ ଚାକିରୀ ଦିଆଯାଉ । ଆହତଙ୍କୁ ମାଗଣା ଉନ୍ନତ ଚିକିତ୍ସା ଓ ୧୧ ଲକ୍ଷ କ୍ଷତିପୂରଣ ଦିଆଯାଉ । ସମସ୍ତ ହସ୍ପିଟାଲରେ ସେଫ୍ଟି ଓ ସୁରକ୍ଷା ଅଡିଟ ସୁନିଶ୍ଚିତ କରାଯାଉ ।