ଭୁବନେଶ୍ବର : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ନୂଆଦିଲ୍ଲୀରୁ ରୋଜଗାର ମେଳାର ୧୫ତମ ପର୍ଯ୍ୟାୟକୁ ଭର୍ଚୁଆଲ ମାଧ୍ୟମରେ ଉଦଘାଟନ କରିଥିଲେ । ଏହି ଅବସରରେ ଭାରତର ୪୭ଟି ଭିନ୍ନ ଭିନ୍ନ ସ୍ଥାନରେ ୫୧୦୦୦ରୁ ଅଧିକ ମନୋନୀତ ପ୍ରାର୍ଥୀଙ୍କୁ ନିଯୁକ୍ତି ପତ୍ର ପ୍ରଦାନ କରାଯାଇଥିଲା।
ଭୁବନେଶ୍ୱରରେ କେନ୍ଦ୍ରୀୟ ଜିଏସଟି ଓ ସୀମା ଶୁଳ୍କ ବିଭାଗ ପକ୍ଷରୁ ରୋଜଗାର ମେଳାର ଆୟୋଜନ କରାଯାଇଥିଲା, ଯେଉଁଥିରେ ମାନ୍ୟବର ମନ୍ତ୍ରୀ ଶ୍ରୀ ହର୍ଷ ମାଲହୋତ୍ରା, କର୍ପୋରେଟ୍ ବ୍ୟାପାର ଏବଂ ସଡ଼କ ଓ ଜାତୀୟ ରାଜପଥ ରାଷ୍ଟ୍ରମନ୍ତ୍ରୀଙ୍କ ଉପସ୍ଥିତିରେ ୨୬୫ ଜଣ ପ୍ରାର୍ଥୀ ସେମାନଙ୍କ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀଙ୍କ ଠାରୁ ନିଯୁକ୍ତି ପତ୍ର ଗ୍ରହଣ କରିଥିଲେ। ଜିଏସଟି ବିଭାଗ, ଆୟକର, ରେଳବାଇ, ଆଇଆଇଟି ଭୁବନେଶ୍ୱର, ଏମ୍ସ, ଇପିଏଫ୍ଓ, ଭାରତୀୟ ଖାଦ୍ୟ ନିଗମ, ଇସ୍ପାତ ପ୍ରାଧିକରଣ, ବ୍ୟାଙ୍କ, ଇଏସଆଇସି ଏବଂ ବିଏସଏଫର ନୂଆ ନିଯୁକ୍ତି ପତ୍ର ଆଜି ମିଳିଛି। ଏହି ସମସ୍ତ ନୂତନ ନିଯୁକ୍ତି ବିକାଶ ଭାରତର ଅଭିବୃଦ୍ଧି ଏବଂ ବିକାଶ ଦିଗରେ ଯୋଗଦାନ କରିବା ପାଇଁ ଏକ ନୂତନ ଯାତ୍ରା ଆରମ୍ଭ କରିବେ । ଆଗାମୀ ୨୫ ବର୍ଷ ପାଇଁ ସେମାନଙ୍କ କ୍ୟାରିୟର ଭାରତୀୟ ସ୍ୱାଧୀନତାର ୧୦୦ ବର୍ଷ ପୂର୍ତ୍ତି ଉତ୍ସବ ସହିତ ମେଳ ଖାଉଛି । ମାନ୍ୟବର ପ୍ରଧାନମନ୍ତ୍ରୀ ଏହି କଥା ଉପରେ ଗୁରୁତ୍ୱାରୋପ କରିଥିଲେ ଯେ ବିକାଶିତ ଭାରତ ଏବଂ ସଶକ୍ତ ଭାରତର ସ୍ୱପ୍ନ ଏବେ ଏହି ନବନିଯୁକ୍ତ ଯୁବକମାନଙ୍କ ଉପରେ ରହିଛି ।
