ଲେବାନନ ଉପରେ ଇସ୍ରାଏଲର ଆକ୍ରମଣ: ୪୦ ମୃତ

ବ୍ୟୁରୋ: ଲେବାନନ ଉପରେ ଆକ୍ରମଣାତ୍ମକ ଆକ୍ରମଣ କରିଆସୁଛି ଇସ୍ରାଏଲ । ଏହାରି ଭିତରେ ଇସ୍ରାଏଲର ଏୟାର ଷ୍ଟ୍ରାଇକରେ ଅନେକ ଶିଶୁଙ୍କ ସମେତ ଅତି କମରେ ୪୦ ଜଣଙ୍କର ମୃତ୍ୟୁ ହୋଇଥିବା ଲେବାନୀୟ ଅଧିକାରୀ କହିଛନ୍ତି । ଶୁକ୍ରବାର ବିଳମ୍ବିତ ରାତିରେ ଉପକୂଳବର୍ତ୍ତୀ ସୋର ସହରରେ ଅତି କମରେ ୭ ଜଣଙ୍କର ମୃତ୍ୟୁ ହୋଇଥିବା ଲେବାନନର ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି । ଇସ୍ରାଏଲ ସୈନ୍ୟବାହିନୀ ପୂର୍ବରୁ ସହରର ଅନେକ ଅଞ୍ଚଳକୁ ସ୍ଥାନାନ୍ତର କରିବାକୁ ନିର୍ଦ୍ଦେଶ ଦେଇଥିଲେ । ଲେବାନନର ସ୍ୱାସ୍ଥ୍ୟ ମନ୍ତ୍ରଣାଳୟ କହିଛି ଶନିବାର ହୋଇଥିବା ଆକ୍ରମଣରେ ୧୩ ଜଣଙ୍କର ମୃତ୍ୟୁ ଘଟିଛି । ସେମାନଙ୍କ ମଧ୍ୟରେ ହିଜବୁଲ ଏବଂ ଏହାର ସହଯୋଗୀ ଅମାଲ ସହ ଜଡିତ ଉଦ୍ଧାରକାରୀ ଦଳର ୭ ଜଣ ଡାକ୍ତର ଅଛନ୍ତି । ବାଲବେକ୍ ଆଖପାଖର ପୂର୍ବ ଅଞ୍ଚଳରେ ଶନିବାର ଇସ୍ରାଏଲ୍ ପକ୍ଷରୁ ହୋଇଥିବା ଆକ୍ରମଣରେ ଅତି କମରେ ୨୦ ଜଣଙ୍କର ମୃତ୍ୟୁ ହୋଇଛି ।