ତେହେରାନ: ଇସ୍ରାଇଲ- ଇରାନ୍ ଉତ୍ତେଜନା ମଧ୍ୟରେ ଏମଇଏର ଆଡଭାଇଜର ଜାରି । ପଶ୍ଚିମ ଏସିଆରେ ଇସ୍ରାଏଲ ଏବଂ ଇରାନ ମଧ୍ୟରେ ବଢ଼ୁଥିବା ଉତ୍ତେଜନା ସମଗ୍ର ବିଶ୍ୱର ଦୃଷ୍ଟି ଆକର୍ଷଣ କରିଛି। ଏହି ସମୟରେ, ଭାରତୀୟ ଦୂତାବାସ ଏକ ପରାମର୍ଶ ଜାରି କରିଛି। ଏଥିରେ ତୁରନ୍ତ ତେହେରାନ ଛାଡିବାକୁ କୁହାଯାଇଛି। ୨୪ ଘଣ୍ଟିଆ କଣ୍ଟ୍ରୋଲ ରୁମ ଗଠନ କଲା ବୌଦେଶିକ ମନ୍ତ୍ରାଳୟ । ଏମଇଏ ପକ୍ଷରୁ ଜରୁରୀକାଳୀନ ହେଲ୍ପଲାଇନ ନମ୍ବର ଜାରି କରାଯାଇଛି । ତେହେରାନରେ ପଢ଼ୁଥିବା ପ୍ରାୟ ୧୪୦ ଜଣ ଭାରତୀୟ ଛାତ୍ର ମଧ୍ୟ ଏହି ଉତ୍ତେଜନାର ଶିକାର ହୋଇଛନ୍ତି। ଏହି ଛାତ୍ରମାନେ ତେହେରାନ ମେଡିକାଲ ସାଇନ୍ସ ବିଶ୍ୱବିଦ୍ୟାଳୟ ଏବଂ ଇସଲାମିକ୍ ଆଜାଦ ବିଶ୍ୱବିଦ୍ୟାଳୟରେ ଏମବିବିଏସ ପଢ଼ୁଛନ୍ତି।
⚠️
All Indian Nationals who are in Tehran and not in touch with the Embassy are requested to contact the Embassy of India in Tehran immediately and provide their Location and Contact numbers.Kindly contact: +989010144557; +989128109115; +989128109109@MEAIndia
— India in Iran (@India_in_Iran) June 17, 2025
ଛାତ୍ରମାନେ କହିଛନ୍ତି ଯେ ଶୁକ୍ରବାର ଭୋର ପ୍ରାୟ ୩:୨୦ ସମୟରେ ଏକ ଜୋରଦାର ବିସ୍ଫୋରଣ ସେମାନଙ୍କୁ ଭୟଭୀତ କରିଦେଇଥିଲା। “ଏଠାରେ ପରିସ୍ଥିତି ପ୍ରତ୍ୟେକ ମୁହୂର୍ତ୍ତରେ ଖରାପ ହେବାରେ ଲାଗିଥିଲା। ପ୍ରାୟ ୩:୨୦ ସମୟରେ ଏକ ଜୋରଦାର ବିସ୍ଫୋରଣ ହୋଇଥିଲା। ଆମେ ଝରକା ବାହାରକୁ ଚାହିଁଲୁ ଏବଂ କଳା ଧୂଆଁ ଦେଖିଲୁ। ଯେତେବେଳେ ଆମେ ତଳକୁ ଗଲୁ, ଆମେ ଆହୁରି ବିସ୍ଫୋରଣ ଶୁଣିଲୁ,” ଜଣେ ଛାତ୍ର କହିଛନ୍ତି। ସେ ଆହୁରି କହିଛନ୍ତି, “୨-୩ ଘଣ୍ଟା ପରେ, ଲଢ଼ୁଆ ବିମାନର ଗର୍ଜନ ଶୁଣାଗଲା। ଆମେ ବହୁତ ଭୟଭୀତ ହୋଇଗଲୁ। ଆକାଶ ଡ୍ରୋନରେ ପରିପୂର୍ଣ୍ଣ ଥିଲା। ଶୁକ୍ରବାର ସନ୍ଧ୍ୟାରୁ ପରଦିନ ସକାଳ ପର୍ଯ୍ୟନ୍ତ ଶବ୍ଦଗୁଡ଼ିକ ନିରନ୍ତର ଆସିଲା। ହଷ୍ଟେଲରେ ସମ୍ପୂର୍ଣ୍ଣ ଅନ୍ଧାର ଥିଲା ଏବଂ ଆମେ ଭୟରେ ହଷ୍ଟେଲ ତଳେ ବସି ରହିଲୁ।”
