ନୂଆଦିଲ୍ଲୀ : ନୂଆବର୍ଷରେ ଇରାନ କରିପାରେ ପରମାଣୁ ପରୀକ୍ଷା । ଯଦି ଏଭଳି ହୁଏ ବଡ ବଡ ଦେଶମାନଙ୍କ ମୁଣ୍ଡବିନ୍ଧା ହେବାର ସମସ୍ୟା ରହିଛି । ଇରାନ ଆଇଏଇଏ ଠାରୁ ନିଜର ପରମାଣୁ କାଯ୍ୟକ୍ରମ ଲୁଚାଉଥିଲା । ଏବେ ସେ ଆଇଏଇଏ ରିପୋର୍ଟ ପ୍ରଦାନ କରି ୟୁରୋପୀୟ ଦେଶଗୁଡିକର ଚିନ୍ତା ବଢାଇଛି । ବାସ୍ତବରେ ଇରାନ କହିଛି ୟୁକ୍ରେନ ସମୃଦ୍ଧି ପାଇଁ ୬ ହଜାର ନୂଆ ସେଣ୍ଟ୍ରି ଫ୍ୟୁଜ ସ୍ଥାପନ କରିବାକୁ ବିଚାର କରିଛି । ଇରାନ ନିଜର ପରମାଣୁ ନୀତିରେ ପରିବର୍ତ୍ତନ ଆଣିବା କଥା କହିଛି । ଟ୍ରମ୍ପ ଶପଥ ଗ୍ରହଣ କରିବାର ଦେଢ ମାସ ଥିବା ବେଳେ ଇରାନର ବଡ ଘୋଷଣା ରହିଛି । ଫ୍ୱାଶିଂଟନରୁ ପ୍ୟାରିସ ପୟ୍ୟନ୍ତ ହଇଚଇ ସ୍ୃଷ୍ଟି ହୋଇଛି । ଇରାନରୁ ଏହି ୨ଟି ବଡ ଖବର ସାମ୍ନାକୁ ଆସୁଛି । ଆଇଏଇଏ ବୋର୍ଡ ବୈଠକ ପରେ ଇରାନ ଏହି ଘୋଷଣା କରିଛି । ଇରାନ ତାର ସମୃଦ୍ଧ ୟୁରେନିୟମ ଭଣ୍ଡାରକୁ ୬୦ ପ୍ରତିଶତ ରେ ସୀମିତ ରଖିବାକୁ କହିଥିଲା । ଇରାନ ସର୍ତ୍ତ ରଖିଥିଲା ବୋର୍ଡ ଏହା ବିରୋଧରେ କୌଣସି ସଂକଳ୍ପ ପାରିତ କରିବ ନାହିଁ । କିନ୍ତୁ ଏହା ପରେ ୟୁରୋପୀୟ ଦେଶମାନଙ୍କ ଅନୁରୋଧକ୍ରମେ ଇରାନ ବିରୋଧରେ ପ୍ରସ୍ତାବ ଅଣାଯାଇଥିଲା । ଇରାନ ସ୍ୱୀକାର କରିଛି ୟୁରୋପୀୟ ଦେଶମାନେ କେବେ ବି ସହଜରେ ରାଜି ହେବେ ନାହିଁ । ଡୋନାଲ୍ଡ ଟ୍ରମ୍ପ ଇରାନ ବିରୋଧରେ ସବୁବେଳେ କଠୋର ଆଭିମୁଖ୍ୟ ରଖିଛନ୍ତି । ୨୦୧୮ରେ ଟ୍ରମ୍ପ ଇରାନ ଉପରେ ପ୍ରତିବନ୍ଧକ ଲଗାଇଥିଲେ । ଇରାନର ଭୟ, ଆମେରିକାର କଠୋରତା ଇରାନ ବିରୋଧରେ ବଢିବାକୁ ଯାଉଛି । ଟ୍ରମ୍ପ ରାଷ୍ଟ୍ରପତି ଆସନରେ ବସିବା ପୂର୍ୱରୁ ପରମାଣୁ ପରୀକ୍ଷଣ କରିବ ଇରାନ । ଟ୍ରମ୍ପଙ୍କ ଉପରେ ଚାପ ପକାଇବାକୁ ଚାହୁଁଛନ୍ତି ଖାମକେଇ । ଇରାନ ପାଇଁ ଫ୍ୱାଶିଂଟନରୁ ପ୍ୟାରିସ ପଯ୍ୟନ୍ତ ଉତ୍ତେଜନା ପ୍ରକାଶ ପାଇଛି । ଇରାନକୁ ରୋକିବଆ ପାଇଁ ବ୍ରିଟେନ , ଫ୍ରାନ୍ସ ଓ ଜର୍ମାନୀ ଆଲୋଚନା ଆରମ୍ଭ କରିଛନ୍ତି । ଇରାନର ପରମାଣୁ କାଯ୍ୟକ୍ରମକୁ ନେଇ ୟୁରୋପରେ ଭୟ ରହିଛି । ଇରାନ ପରମାଣୁ ଶକ୍ତି ହାସଲ କରେ ତେବେ ଇସ୍ରାଏଲ ନୁହେଁ ଟ୍ରମ୍ପଙ୍କ ପାଇଁ ମଧ୍ୟ ଏହାକୁ ନିୟନ୍ତ୍ରଣ କରିବା ଅସମ୍ଭବ ।
