‘ର’ ମୁଖ୍ୟ ହେଲେ ଆଇପିଏସ ପରାଗ ଜୈନ

ନୂଆଦିଲ୍ଲୀ: ନରେନ୍ଦ୍ର ମୋଦି  ଶନିବାର ଦିନ ବରିଷ୍ଠ ଆଇପିଏସ ଅଧିକାରୀ ପରାଗ ଜୈନଙ୍କୁ ଭାରତର ବାହ୍ୟ ଗୁଇନ୍ଦା ସଂସ୍ଥା ରିସର୍ଚ୍ଚ ଆଣ୍ଡ ଆନାଲିସିସ୍ ୱିଙ୍ଗ (ର)ର ପରବର୍ତ୍ତୀ ସଚିବ ଭାବରେ ନିଯୁକ୍ତ କରିଛନ୍ତି। ପଞ୍ଜାବ କ୍ୟାଡରର ୧୯୮୯ ବ୍ୟାଚର ଆଇପିଏସ ଅଧିକାରୀ ଜୈନ। ସେ ରବି ସିହ୍ନାଙ୍କ ସ୍ଥାନ ନେବେ। ରବି ସିହ୍ନାଙ୍କ ବର୍ତ୍ତମାନର କାର୍ଯ୍ୟକାଳ ଜୁନ୍ ୩୦ ରେ ଶେଷ ହେଉଛି। ପରାଗ ଜୈନଙ୍କ କାର୍ଯ୍ୟକାଳ ଦୁଇ ବର୍ଷ ହେବ। ସେ ୧ ଜୁଲାଇ, ୨୦୨୫ ପର୍ଯ୍ୟନ୍ତ ଏକ ନିର୍ଦ୍ଦିଷ୍ଟ କାର୍ଯ୍ୟକାଳ ପାଇଁ ଏହି ଦାୟିତ୍ୱ ଗ୍ରହଣ କରିବେ। ଯେତେବେଳେ ଆତଙ୍କବାଦୀମାନେ ପଞ୍ଜାବରେ ଆତଙ୍କ ସୃଷ୍ଟି କରୁଥିଲେ, ପରାଗ ଜୈନ ଭଟିଣ୍ଡା, ମାନସା, ହୋସିଆରପୁରରେ ଏକ ଅପରେସନାଲ୍ ଭୂମିକା ଗ୍ରହଣ କରିଥିଲେ। ଏହା ପୂର୍ବରୁ ସେ ଚଣ୍ଡିଗଡ଼ର SSP ଏବଂ ଲୁଧିଆନାର DIG ଥିଲେ। ସେ RAWରେ ପାକିସ୍ତାନ ଡେସ୍କ ପରିଚାଳନା କରିଛନ୍ତି। ସେ ଧାରା 370 ହଟାଇବା ଏବଂ ଅପରେସନ୍ ବାଲାକୋଟ ସମୟରେ ଜମ୍ମୁ ଏବଂ କାଶ୍ମୀରରେ ମଧ୍ୟ କାର୍ଯ୍ୟ କରିଛନ୍ତି। ପରାଗ ଜୈନଙ୍କୁ ଜଣେ ଅତ୍ୟନ୍ତ ନମ୍ର ଅଧିକାରୀ ବୋଲି କୁହାଯାଏ।