ନୂଆଦିଲ୍ଲୀ : କର୍ଣ୍ଣାଟକରେ ଯୁବ ଆଇପିଏସ ଅଧିକାରୀଙ୍କ ଅକାଳ ବିୟୋଗ ହୋଇଛି । ମୃତ ଆଇପିଏସ ଅଧିକାରୀ ହେଉଛନ୍ତି ୨୬ ବର୍ଷୀୟ ହର୍ଷବର୍ଦ୍ଧନ ସିଂହ । କର୍ଣ୍ଣାଟକ କ୍ୟାଡର ୨୦୨୩ ବ୍ୟାଚ ଆଇପିଏସ ହର୍ଷବର୍ଦ୍ଧନ ତାଙ୍କର ପ୍ରଥମ ପୋଷ୍ଟିଂ ପାଇଁ କାରରେ ଯାଉଥିବା ବେଳେ ରାସ୍ତାରେ ଦୁର୍ଘଟଣାଗ୍ରସ୍ତ ହୋଇଥିଲା ଗାଡି । ସେ ଯାଉଥିବା କାରର ଟାୟାର ଅଚାନକ ଫାଟି ଯିବାରୁ ଡ୍ରାଇଭର ଭାରସାମ୍ୟ ହରାଇ ଏକ ଗଛରେ ପିଟି ଦେଇଥିଲେ । ଫଳରେ ଯୁବ ଆଇପିଏସ ହର୍ଷବର୍ଦ୍ଧନଙ୍କର ମୃତ୍ୟୁ ହୋଇଛି । କର୍ଣ୍ଣାଟକର ହାସେନ ଜିଲ୍ଲାର ତାଙ୍କର ଜଏନିଂ ଥିଲା । କିନ୍ତୁ ଅଫିସରେ ଯୋଗ ଦେବା ପୂର୍ୱରୁ କାର ଦୁର୍ଘଟଣାରେ ଜୀବନ ଚାଲିଯାଇଛି । ହର୍ଷବର୍ଦ୍ଦନଙ୍କ ଘର ମଧ୍ୟପ୍ରଦେଶରେ । ଅକାଳ ବିୟୋଗରେ କର୍ଣାଟକ ମୁଖ୍ୟମନ୍ତ୍ରୀ ସିଦ୍ଧତ ମୈୟା ଶୋକ ପ୍ରକାଶ କରିଛନ୍ତି ।
