ଭାରତର ଲଜ୍ୟା ଜନକ ପରାଜୟ

ନୂଆଦିଲ୍ଲୀ: ମୁମ୍ବାଇ ଟେଷ୍ଟରେ ୨୫ ରନରେ ହାରିଲା ଭାରତ। ୧୪୭କୁ ଟାର୍ଗେଟ ପିଛା କରି ଭାରତ ୧୨୧ ରନରେ ଅଲଆଉଟ। ଏଜାଜ ପଟେଲଙ୍କୁ ସର୍ବାଧିକ ୬ , ଫିଲିପ୍ସଙ୍କୁ ୩ ୱେକେଟ । ୩-୦ ରେ ସିରିଜ କ୍ଲିନ ସୁଇପ ସହ ଇତିହାସ ରଚିଲା ନ୍ୟୁଜିଲ୍ୟାଣ୍ଡ । ନ୍ୟୁଜିଲ୍ୟାଣ୍ଡ – ୨୩୫ ଓ ୧୭୪ ଭାରତ – ୨୬୩ ଓ ୨୨୧ । ତିନି ମ୍ୟାଚ୍ ବିଶିଷ୍ଟ ଭାରତ ବନାମ ନ୍ୟୁଜିଲ୍ୟାଣ୍ଡ ଟେଷ୍ଟ ସିରିଜର ତୃତୀୟ ତଥା ଶେଷ ମ୍ୟାଚ୍ ମୁମ୍ବାଇର ୱାଙ୍ଖଡେ ଷ୍ଟାଡିୟମରେ ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଖେଳାଯାଇଥିବା ବେଳେ , ଏହି ମ୍ୟାଚ୍‌ରେ ନ୍ୟୁଜିଲ୍ୟାଣ୍ଡ ଦଳ ଦ୍ୱିତୀୟ ଇନିଂସରେ ୧୭୪ରନ୍ ସଂଗ୍ରହ କରିଥିଲା । ଫଳରେ ଟିମ୍ ଇଣ୍ଡିଆ ପାଇଁ ବିଜୟ ଲକ୍ଷ୍ୟ ୧୪୭ ରନ୍ ରହିଥିଲା । ନ୍ୟୁଜିଲ୍ୟାଣ୍ଡ ପାଇଁ ଦ୍ୱିତୀୟ ଇନିଂସରେ ୱିଲ ୟଙ୍ଗ ସବୁଠୁ ବଡ଼ ଇନିଂସ ଖେଳି ୨ ଚୌକା ଓ ଗୋଟିଏ ଛକା ସହାୟତାରେ ୫୧ ରନ ସ୍କୋର କରିଥିଲେ। ଦଳର ମୋଟ ୬ ଜଣ ବ୍ୟାଟ୍ସମ୍ୟାନ୍ ଦୁଇଅଙ୍କରେ ମଧ୍ୟ ପହଞ୍ଚିପାରି ନ ଥିଲେ । ଏହି ଇନିଂସରେ ନ୍ୟୁଜିଲ୍ୟାଣ୍ଡର ବ୍ୟାଟ୍ସମ୍ୟାନମାନେ ଭାରତୀୟ ବୋଲରଙ୍କ ଚାପରେ ରହିଥିବା ଦେଖାଦେଇଥିଲା। ଫଳରେ ଆଜି ମୁମ୍ବାଇ ଟେଷ୍ଟରେ ୨୫ ରନରେ ହାରିଲା ଭାରତ ।