ନୂଆଦିଲ୍ଲୀ: ଭାରତ ଏବଂ ଆମେରିକା ମଧ୍ୟରେ ବାଣିଜ୍ୟ ଆଲୋଚନା ଏକ ସକରାତ୍ମକର ରୂପ ନେଇଛି । କୌଣସି ବାଧା ସୃଷ୍ଟି ହେବ ନାହିଁ । ଖୁବଶୀଘ୍ର ଏହି ବିଷୟରେ ମୋଦିଙ୍କ ସହ କଥାହେବେ । ମଙ୍ଗଳବାର ଦିନ ଟ୍ରମ୍ପ ତାଙ୍କ ସୋସିଆଲ ମିଡିଆ ପ୍ଲାଟଫର୍ମ ‘ଟ୍ରୁଥ୍ ସୋସିଆଲ’ରେ ଲେଖିଛନ୍ତି ଯେ ଭାରତ ଏବଂ ଆମେରିକା ମଧ୍ୟରେ ବାଣିଜ୍ୟ ଚୁକ୍ତିନାମା ପଥରେ ଥିବା ପ୍ରତିବନ୍ଧକଗୁଡ଼ିକୁ ଦୂର କରିବା ପାଇଁ ଆଲୋଚନା ଚାଲିଛି। ସେ କହିଛନ୍ତି, ମୁଁ ନିଶ୍ଚିତ ଯେ ଦୁଇ ଦେଶ ମଧ୍ୟରେ ଆଲୋଚନା ସଫଳ ହେବ ଏବଂ କୌଣସି ସମସ୍ୟା ହେବ ନାହିଁ।
ସାମ୍ପ୍ରତିକ ବର୍ଷଗୁଡ଼ିକରେ, ଆମେରିକା ଦ୍ୱାରା ଲାଗୁ ହୋଇଥିବା ଶୁଳ୍କ ଏବଂ ଭାରତ ଦ୍ୱାରା ରୁଷରୁ ତୈଳ କ୍ରୟ ପ୍ରସଙ୍ଗରେ ଦୁଇ ଦେଶ ମଧ୍ୟରେ ସମ୍ପର୍କ ସର୍ବନିମ୍ନ ସ୍ତରରେ ପହଞ୍ଚିଥିଲା। ଟ୍ରମ୍ପ ଭାରତ ଉପରେ 25 ପ୍ରତିଶତ ପାରସ୍ପରିକ ଶୁଳ୍କ ଏବଂ ରୁଷ ତେଲ କ୍ରୟ ପାଇଁ ଅତିରିକ୍ତ 25 ପ୍ରତିଶତ ଶୁଳ୍କ ଲାଗୁ କରିଛନ୍ତି, ଯାହା ଦ୍ୱାରା ଭାରତ ଉପରେ ମୋଟ ଶୁଳ୍କ 50 ପ୍ରତିଶତ ହୋଇଛି, ଯାହା ବିଶ୍ୱ ସ୍ତରରେ ସର୍ବାଧିକ।ଗତ କିଛି ମାସ ଧରି ଭାରତକୁ ସମାଲୋଚନା କରିବା ପରେ, ଟ୍ରମ୍ପ ଗତ ସପ୍ତାହରେ କହିଥିଲେ ଯେ ଦୁଇ ଦେଶର ଏକ “ବିଶେଷ ସମ୍ପର୍କ” ଅଛି ଏବଂ ଏଥିରେ ଚିନ୍ତା କରିବାର କିଛି ନାହିଁ। “ମୁଁ ସବୁବେଳେ ନରେନ୍ଦ୍ର ମୋଦିଙ୍କ ବନ୍ଧୁ ରହିବି। ଅନ୍ୟପଟେଏହି ବିବୃତ୍ତିର ଜବାବ ଦେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର କହିଛନ୍ତି ଯେ ସେ ଭାରତ-ଆମେରିକା ସମ୍ପର୍କ ପ୍ରତି ଟ୍ରମ୍ପଙ୍କ ଟ୍ରମ୍ପଙ୍କ ଭାବନା ଏବଂ ଆମ ସମ୍ପର୍କ ପ୍ରତି ତାଙ୍କର ସକାରାତ୍ମକ ଦୃଷ୍ଟିକୋଣକୁ ସମ୍ମାନ ଏବଂ ପୂର୍ଣ୍ଣ ସମର୍ଥନ କରୁଛି ।
