ନୂଆଦିଲ୍ଲୀ: ଜିରୋ ଟଲରେନ୍ସ ନୀତି ଲାଗୁ କରିବାକୁ ୟୁଏନକୁ ଭାରତର ଅନୁରୋଧ । ଆତଙ୍କବାଦରେ ବ୍ୟବହୁତ ଅବୈଧ ଅସ୍ତ୍ରଶସ୍ତ୍ରର ପରିବହନକୁ ପାଣ୍ଠି ଯୋଗାଉଥିବା ଲୋକଙ୍କ ପ୍ରତି ଶୂନ୍ୟ ସହନଶୀଳତା ନୀତି ଲାଗୁ କରିବାକୁ ଭାରତ ମିଳିତ ଜାତିସଂଘ ସୁରକ୍ଷା ପରିଷଦକୁ ଅନୁରୋଧ କରିଛି । ସୋମବାର ଦିନ ଜାତିସଂଘ ସୁରକ୍ଷା ପରିଷଦର କ୍ଷୁଦ୍ର ଅସ୍ତ୍ରଶସ୍ତ୍ର ଉପରେ ଖୋଲା ବିତର୍କରେ ଭାଷଣ ଦେଇ ଭାରତର ସ୍ଥାୟୀ ପ୍ରତିନିଧି, ରାଷ୍ଟ୍ରଦୂତ ପାର୍ବଥନେନୀ ହରିଶ ଆତଙ୍କବାଦ ବିରୁଦ୍ଧରେ ଭାରତର ଦୀର୍ଘ ସଂଘର୍ଷ ଉପରେ ଆଲୋକପାତ କରି କହିଛନ୍ତି ଯେ ଦେଶ ଦଶଦ୍ଧି ଧରି ଅବୈଧ ଅସ୍ତ୍ରଶସ୍ତ୍ର ଚାଲାଣ ଦ୍ୱାରା ପ୍ରେତ୍ସାହିତ ସୀମାପାର ଆତଙ୍କବାଦ ସହିତ ଲଢି ଆସୁଛି । ସୀମା ପାର ଆତଙ୍କବାଦ ଯୋଗୁଁ ଭାରତ କ୍ଷତିଗ୍ରସ୍ତ ହୋଇଛି । ଏହା ସହ ଆଲୋଚନାରେ ପାକିସ୍ତାନକୁ ଇଙ୍ଗିତ କରି ହରିଶ ଚେତାବନୀ ଦେଇଛନ୍ତି ଯେ ଅଣ-ରାଷ୍ଟ୍ରୀୟ କ୍ରିୟାକାରୀ ଏବଂ ଆତଙ୍କବାଦୀ ଗୋଷ୍ଠୀଗୁଡିକୁ ଛୋଟ ଅସ୍ତ୍ରଶସ୍ତ୍ର ପ୍ରଦାନ ଏକ ଗମ୍ଭୀର ବିଶ୍ୱ ବିପଦ ସୃଷ୍ଟି କରୁଛି । ଭାରତ ଗୁରୁତ୍ୱାରୋପ କରିଛି ଯେ ଅବୈଧ ଅସ୍ତ୍ରଶସ୍ତ୍ରର ଚାଲାଣ ନେଟୱାର୍କକୁ ବାଧା ରୋକିବା, ସୀମା ନିୟନ୍ତ୍ରଣକୁ ସୁଦୃଢ଼ କରିବା ଏବଂ ସମୟୋଚିତ ଗୁପ୍ତଚର ଏବଂ ସୂଚନା ଆଦାନପ୍ରଦାନ ସୁନିଶ୍ଚିତ କରିବା ପାଇଁ ଆନ୍ତର୍ଜାତୀୟ ସହଯୋଗ ଅତ୍ୟନ୍ତ ଜରୁରୀ ।
