ବନ କର୍ମଚାରୀଙ୍କୁ କାଠ ଫାଳିଆରେ ମାଡ଼

ଟାଙ୍ଗୀ: ବନ ସୁରକ୍ଷା କର୍ମଚାରୀଙ୍କୁ କାଠ ଫାଳିଆରେ ମାଡ଼ । ମୁଣ୍ଡ ଓ ହାତରେ ଲାଗିଲା ଗଭୀର ଆଘାତ । ବନ ସୁରକ୍ଷା କର୍ମଚାରୀଙ୍କୁ କାଠ ଫାଳିଆରେ ମାଡ଼ ମାରିଥିବା ଘଟଣା ସାମ୍ନାକୁ ଆସିଛି । ତେବେ ସୂଚନା ଅନୁୟାଯୀ , ଅଫିସ ପରିସର ମଧ୍ୟରେ ଗୋଡ଼ାଇ ଗୋଡ଼ାଇ ପିଟିଲେ କାଠ ଚୋର । ଟାଙ୍ଗୀ ବନ ବିଭାଗ ରେଞ୍ଜ ଇଲାକାର ରଣ୍ଡା ଜଙ୍ଗଲ ବିଟ୍-ହାଉସ୍ ମଧ୍ୟରେ ବନ କର୍ମଚାରୀଙ୍କୁ ମାଡ଼ ମରାଯାଇଥିବା ଅଭିଯୋଗ ହୋଇଛି । ଆକ୍ରମଣରେ ବନ ସୁରକ୍ଷା କର୍ମଚାରୀ ଭବାନୀ ପ୍ରସାଦ ପଟ୍ଟନାୟକଙ୍କ ମୁଣ୍ଡ ଓ ହାତରେ ଗଭୀର ଆଘାତ ଲାଗିଛି । କାଠ ମାଫିଆଙ୍କ ଟାର୍ଗେଟ୍‌ରେ ଥିଲେ ବନ ସୁରକ୍ଷା କର୍ମଚାରୀ ଭବାନୀ ପ୍ରସାଦ ପଟ୍ଟନାୟକ ।