କଟକ: ଜାମିନ ବଦଳରେ ବ୍ୟାଙ୍କ ପରିସରରେ ସଫେଇ କରିବେ ଅଭିଯୁକ୍ତ । ଏଭଳି ସର୍ତ୍ତ ରଖି ବ୍ୟାଙ୍କ ଠକେଇ ମାମଲାରେ ଜେଲରେ ଥିବା ଜଣେ ମହିଳାଙ୍କୁ ଜାମିନ ଦେଇଛନ୍ତି ହାଇକୋର୍ଟ । ଅଭିଯୋଗ ଅନୁସାରେ ଅଭିଯୁକ୍ତ ମନୋଜ୍ଞାନ ପଟ୍ଟନାୟକ ସମ୍ପତ୍ତିକୁ ବ୍ୟାଙ୍କରେ ବନ୍ଧକ ରଖି ଲୋନ ନେଇଥିଲେ । କଟକ ଲିଙ୍କ ରୋଡ ଆଇସିଆଇସିଆଇ ବ୍ୟାଙ୍କରୁ ୩ଟି ପୃଥକ ଲୋନ ଆକାଉଣ୍ଟରେ ୩ଟି ପୃଥକ ଲୋନ ଆକାଉଣ୍ଟ ରେ ୧ କୋଟି ୫ ଲକ୍ଷ ଟଙ୍କା ରୁଣ କରିଥିଲେ । ପୂର୍ୱରୁ ସମାନ ସମ୍ପତ୍ତି କୁ ଭୁବନେଶ୍ୱର ଅଶୋକ ନଗର ଇଣ୍ଡିଆନ ବ୍ୟାଙ୍କରେ ବନ୍ଧକ ରଖି ଲୋନ ନେବା ସହ ଏହାକୁ ପରିଶୋଧ ନକରିଥିବା ଜଣାପଡିଛି । କ୍ରାଇମବ୍ରାଞ୍ଚ ମାମଲାର ତଦନ୍ତ ଆରମ୍ଭ କରି ଗତ ଫେବୃଆରୀରେ ଅଭିଯୁକ୍ତ ମହିଳା ଗିରଫ ହୋଇଥିଲେ । ଦୁଇ ମାସ ଧରି ସଂପୃକ୍ତ ବ୍ୟାଙ୍କ ପରିସର ସଫେଇ କରିବା ପାଇଁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି । ସର୍ତ୍ତ ପୂରଣ ନକଲେ ଜାମିନ ଖାରଜ କରାଯିବ ।
