ହିଜବୁଲ୍ଲା ଇସ୍ରାଏଲ ଉପରେ ଆକ୍ରମଣ

ବ୍ୟୁରୋ : ହିଜବୁଲ୍ଲା ଇସ୍ରାଏଲ ଉପରେ ବଡ ଆକ୍ରମଣ କରିଛି । ୧୬୫ରୁ ଅଧିକ  ରକେଟ ନିକ୍ଷେପ କରିଥିଲା  ହିଜବୁଲ୍ଲା ।  ଏଥିରେ ଜଣେ ଶିଶୁ ସମେତ  ୭ ଜଣ  ଆହତ ହୋଇଛନ୍ତି । ଇସ୍ରାଏଲ ଡିଫେନ୍ସ ଫୋର୍ସ  ରିପୋର୍ଟ କରିଛି ଯେ  ଗାଲିଲି ଉପରେ ପାଖାପାଖି  ୫୦ଟି ନିକ୍ଷେପ ହୋଇଥିଲା ।  ଯେଉଁଥିରେ କେତେକ ରକେଟରୁ ଏୟାର ଡିଫେନ୍ସ ସିଷ୍ଟମ  ଦ୍ୱାରା  ଅଟକାଇ ଦିଆଯାଇଥିଲା । ତେବେ କାର୍ମିଲ ଅଞ୍ଚଳ ଓ ଆଖପାଖ ସହରକୁ ଟାର୍ଗେଟ କରିବାରେ ଅନେକ ରକେଟ୍ ସଫଳ ହୋଇଥିବା ବେଳେ ବ୍ୟାପକ କ୍ଷୟକ୍ଷତି ଅଞ୍ଚଳରେ ଘଟିଛି । ହିଜବୁଲ୍ଲା କହିଛି  ସେମାନେ କାର୍ମିଲ ବସ୍ତିରେ ପାରାଟ୍ରୁପର୍ସ ବ୍ରିଗେଡର  ଏକ ପ୍ରଶିକ୍ଷଣ କେନ୍ଦ୍ରକୁ ଟାର୍ଗେଟ କରିଛନ୍ତି । ଇସ୍ରାଏଲର ବ୍ରହ୍ମାସ୍ କୁହାଯାଉଥିବା ଆଇରମଡୋମ ମଧ୍ୟ ଫେଲ ମାରିଛି ହିଜବୁଲ୍ଲାର ରକେଟ ମାଡରେ । ହେଲେ ଇସ୍ରାଏଲ ଦାବି କରିଛି ଅଧିକାଂଶ ରକେଟକୁ ଅଟକାଇ ଦିଆଯାଇଛି । ହିଜବୁଲ୍ଲା ଲଗାତାର ଦୁଇଟି ଆକ୍ରମଣରେ ପାଖାପାଖି ୯୦ଟି ରକେଟ୍ ନିକ୍ଷେପ କରିଥିଲା ।