କୋଲକାତା: ଗତ ୨୭.୦୨.୨୦୨୫ରୁ ୦୧.୦୩.୨୦୨୫ ପର୍ଯ୍ୟନ୍ତ ଭାରତୀୟ ରେଳ ସ୍ୱାସ୍ଥ୍ୟ ସେବା ସଂଘ/ଦକ୍ଷିଣପୂର୍ବ ରେଳପଥର ୪୧ତମ ବାର୍ଷିକ ସମ୍ମିଳନୀ ‘୬ଷ୍ଠ ରାପିକନ୍ ଏବଂ ୧ମ ରାଲ୍ମକନ୍’ କୋଲକାତା, ଗାର୍ଡେନ୍ ରିଚ୍ ସ୍ଥିତ ଦକ୍ଷିଣପୂର୍ବ ରେଳପଥର କେନ୍ଦ୍ରୀୟ ହସ୍ପିଟାଲରେ ଅନୁଷ୍ଠିତ ହୋଇଯାଇଛି। ୨୮ତାରିଖରେ ରେଳବାଇ ସ୍ୱାସ୍ଥ୍ୟ ସେବା, ରେଲୱେ ବୋର୍ଡର ମହାନିର୍ଦ୍ଦେଶକ ଡକ୍ଟର ମାନ ସିଂହ ଏହି କାର୍ଯ୍ୟକ୍ରମର ଉଦଘାଟନ କରିଥିଲେ। ଏହି ଅବସରରେ ଦକ୍ଷିଣ ପୂର୍ବ ରେଳବାଇର ମହାପ୍ରବନ୍ଧକ ଅନିଲ କୁମାର ମିଶ୍ର, ଦକ୍ଷିଣ ପୂର୍ବ ରେଳବାଇର ପ୍ରମୁଖ ମୁଖ୍ୟ ଚିକିତ୍ସା ନିର୍ଦ୍ଦେଶକ ଡକ୍ଟର ଅଞ୍ଜନା ମାଲହୋତ୍ରା, ଅନ୍ୟାନ୍ୟ ସମ୍ମାନିତ ଅତିଥି ଏବଂ ଭାରତୀୟ ରେଳବାଇର ବିଭିନ୍ନ ଜୋନ୍ର ବିଶିଷ୍ଟ ଡାକ୍ତରମାନେ ଉପସ୍ଥିତ ଥିଲେ।
ମହାନିର୍ଦ୍ଦେଶକ ଡକ୍ଟର ସିଂହ ନିଜ ଭାଷଣରେ କହିଥିଲେ ଯେ ଏହି ପ୍ରକାରର ସମ୍ମିଳନୀ ଜ୍ଞାନକୁ ବୃଦ୍ଧି ଏବଂ ସମୃଦ୍ଧ କରିଥାଏ ଏବଂ ଜୁନିଅର ଡାକ୍ତରମାନଙ୍କୁ ଦକ୍ଷତା ହାସଲ କରିବାରେ ସାହାଯ୍ୟ କରିଥାଏ। ସେ ଲାଇଭ୍ ଅପରେଟିଭ୍ କର୍ମଶାଳାକୁ ପ୍ରଶଂସା କରିଥିଲେ ଯାହା ଏକ ବଡ଼ ସଫଳତା ଥିଲା। ସେହିପରି ଦକ୍ଷିଣ ପୂର୍ବ ରେଳବାଇର ମହାପ୍ରବନ୍ଧକ ଶ୍ରୀ ମିଶ୍ର ମଧ୍ୟ ଏହି ସମ୍ମିଳନୀ ଆୟୋଜନ ପାଇଁ ଆସୋସିଏସନ୍କୁ ଅଭିନନ୍ଦନ ଜଣାଇଥିଲେ। ସେ କହିଥିଲେ ଯେ ଏହି ସମ୍ମିଳନୀ ନିଃସନ୍ଦେହରେ ଡାକ୍ତରମାନଙ୍କ ବୃତ୍ତିଗତ ଅଭିବୃଦ୍ଧିରେ ଯୋଗଦାନ ଦେବ। ସମଗ୍ର ଭାରତରୁ ସମ୍ମାନିତ ବକ୍ତାମାନେ ସମ୍ମିଳନୀରେ ସେମାନଙ୍କର ମୂଲ୍ୟବାନ ଚିନ୍ତାଧାରା ବାଣ୍ଟିଥିଲେ। ୨୭ ଫେବୃଆରୀ, ୨୦୨୫ରେ ଲାଇଭ୍ ଇଏନ୍ଟି ସର୍ଜରୀ ଉପରେ ଏକ କର୍ମଶାଳା ମଧ୍ୟ ଅନୁଷ୍ଠିତ ହୋଇଥିଲା। ୨୮ ଫେବୃଆରୀ, ୨୦୨୫ ରେ ଇଏନ୍ଟି ସେମିନାରରେ, ପ୍ରଖ୍ୟାତ ଇଏନ୍ଟି ଏବଂ ହେଡ୍ ଆଣ୍ଡ୍ ନେକ୍ (ମୁଣ୍ଡ ଓ ବେକ) ସର୍ଜନମାନେ ସେମାନଙ୍କର ମୂଲ୍ୟବାନ ଜ୍ଞାନ ଏବଂ ଅଭିଜ୍ଞତା ବାଣ୍ଟିଥିଲେ। ୧ ମାର୍ଚ୍ଚ, ୨୦୨୫ରେ, ଦେଶର ବିଭିନ୍ନ ସ୍ଥାନରୁ ପ୍ରଖ୍ୟାତ ରୋଗ ବିଶେଷଜ୍ଞଙ୍କ ଆଲୋଚନା ସହିତ ଏକ ପାଥୋଲୋଜି ସେମିନାର ଅନୁଷ୍ଠିତ ହୋଇଥିଲା। ଉଦ୍ଘାଟନୀ ସମାରୋହରେ ସମ୍ମାନିତ ବ୍ୟକ୍ତିମାନଙ୍କ ଦ୍ୱାରା “ପେଣ୍ଟାକନ୍ ମେମୋରିଜ୍’ ଉପରେ ଏକ ସ୍ମାରକୀ ମଧ୍ୟ ଉନ୍ମୋଚିତ ହୋଇଥିଲା। ଏହାକୁ ଡ. ମାନ୍ ସିଂହ ଉନ୍ମୋଚନ କରିଥିଲେ। ଏହି କାର୍ଯ୍ୟକ୍ରମରେ ବିଭିନ୍ନ ଜୋନ୍ର ରେଳବାଇର ପ୍ରତିନିଧି ଏବଂ ପଶ୍ଚିମବଙ୍ଗ ଚାପ୍ଟରର ଇଏନ୍ଟି ଏବଂ ପାଥୋଲୋଜି ସଂଘର ପ୍ରତିନିଧିମାନେ ଯୋଗଦେଇଥିଲେ।
