ଦକ୍ଷିଣ ଆଫ୍ରିକାରେ ଗୁଳିକାଣ୍ଡ: ୧୧ ମୃତ

ପ୍ରିଟୋରିଆ: ଦକ୍ଷିଣ ଆଫ୍ରିକାର ପ୍ରଶାସନିକ ରାଜଧାନୀ ପ୍ରିଟୋରିଆ ନିକଟସ୍ଥ ଏକ ଟାଉନସିପ୍‌ର ଏକ ବାର୍‌ରେ ଗୁଳିକାଣ୍ଡ ହୋଇଛି। ଏହି ଗୁଳିକାଣ୍ଡରେ ତିନି ଜଣ ଶିଶୁଙ୍କ ସମେତ ଅତି କମରେ ୧୧ ଜଣଙ୍କର ମୃତ୍ୟୁ ହୋଇଛି। ଦକ୍ଷିଣ ଆଫ୍ରିକା ପୋଲିସ ସେବାର ଏକ ବିବୃତ୍ତି ଅନୁଯାୟୀ, ଗୁଳି ବାଜିଥିବା ଅନ୍ୟ ୧୪ ଜଣ ଆହତ ହୋଇଛନ୍ତି ଏବଂ ସେମାନଙ୍କୁ ଡାକ୍ତରଖାନାକୁ ନିଆଯାଇଛି। ଆହତଙ୍କ ପରଚୟ ସମ୍ପର୍କରେ ପୋଲିସ କୌଣସି ବିବରଣୀ ଦେଇନାହିଁ। ସୂଚନା ଅନୁସାରେ, ଶନିବାର ଭୋର ସମୟରେ ପ୍ରିଟୋରିଆର ପଶ୍ଚିମରେ ଥିବା ସାଉଲସଭିଲ୍ ଟାଉନସିପ୍‌ରେ ଏକ ଅଣଲାଇସେନ୍ସପ୍ରାପ୍ତ ବାରରେ ଗୁଳିକାଣ୍ଡ ଘଟିଥିଲା। ହତ୍ୟା କରାଯାଇଥିବା ପିଲାମାନେ ହେଲେ ଜଣେ ୩ ବର୍ଷର ପୁଅ, ଜଣେ ୧୨ ବର୍ଷର ପୁଅ ଏବଂ ଜଣେ ୧୬ ବର୍ଷର ଝିଅ। ପୋଲିସ କହିଛି ଯେ ସେମାନେ ତିନି ଜଣ ସନ୍ଦିଗ୍ଧଙ୍କୁ ଖୋଜୁଛନ୍ତି। ଦକ୍ଷିଣ ଆଫ୍ରିକା ବିଶ୍ୱର ସର୍ବାଧିକ ହତ୍ୟା ହାର ମଧ୍ୟରୁ ଗୋଟିଏ ଏବଂ ୨୦୨୪ ମସିହାରେ ଏଠାରେ ୨୬,୦୦୦ରୁ ଅଧିକ ହତ୍ୟା ରେକର୍ଡ କରାଯାଇଛି, ଯାହା ପ୍ରତିଦିନ ହାରାହାରି ୭୦ରୁ ଅଧିକ।