ପାର୍ବଣ ପୂର୍ବରୁ ସୁନା ଦର ଆକାଶ ଛୁଆଁ

ଭୁବନେଶ୍ୱର: ଆସୁଛି ପାର୍ବଣ ଋତୁ । ତେବେ ପାର୍ବଣ ପୂର୍ବରୁ ସୁନା ଦର ଆକାଶ ଛୁଆଁ । ଗ୍ରାହକଙ୍କୁ ସୁନା ପସନ୍ଦ ଆସିଲେ ବି ହାତ ମାରିବାକୁ ଡର ଲାଗୁଛି ।  ଭୁବନେଶ୍ୱର ବଜାରରେ  ପ୍ରଥମ ଥର ପାଇଁ ୨୨  କ୍ୟାରେଟ ସୁନା  ଦର ୧୦ ଗ୍ରାମ ପିଛା ୧ ଲକ୍ଷ  ଟଙ୍କା ଟପି୧,୦୧,୧୦୦ ଟଙ୍କାରେ ପହଞ୍ଚିଛି ।  ଦିନକରେ ସୁନାଦର  ୧୨୫୦ ଟଙ୍କା ବୃଦ୍ଧି ପାଇଛି ।  ମଙ୍ଗଳବାର ଦିନ  ୨୪ କ୍ୟାରେଟ  ସୁନା ଦର  ୧୦ ଗ୍ରାମ ପିଛା  ୧୩୬୦ ଟଙ୍କା  ଟଙ୍କା ବୃଦ୍ଧି ଘଟି ରେକର୍ଡ ୧,୦୮, ୯୩୦ ଟଙ୍କାରେ ପହଞ୍ଚିଛି। ପ୍ରତିଶତ ହିସାବରେ ଦେଖିଲେ  ସେପ୍ଟେମ୍ବର  ମାସର ପ୍ରଥମ  ୯ ଦିନରେ  ସୁନା ଦର ୪.୧୭ ପ୍ରତିଶତ ବଢିଛି। ତେବେ ଋଷ – ୟୁକ୍ରେନ ଯୁଦ୍ଧ ଓ ଟ୍ରମ୍ପଙ୍କ ଶୁଳ୍କ ନୀତି ପାଇଁ ସୁନା ମହଙ୍ଗା ହେଉଥିବା ବିଶେଷଜ୍ଞମାନେ ଆକଳନ କରିଛନ୍ତି ।