ହକି ଚାମ୍ପିଅନସିପରେ ଓଡ଼ିଶାକୁ ସ୍ଵର୍ଣ୍ଣ ପଦକ

ବ୍ୟୁରୋ: ହକି ଇଣ୍ଡିଆ ସିନିୟର୍ ପୁରୁଷ ହକି ଚାମ୍ପିଅନସିପରେ ସ୍ଵର୍ଣ୍ଣ ପଦକ ଜିତିବା ପରେ ଓଡ଼ିଶା ଟିମ୍ ଭୁବନେଶ୍ୱର ଫେରିଛି । ଚେନ୍ନାଇରେ ଅନୁଷ୍ଠିତ ଫାଇନାଲରେ ହରିୟଣାକୁ ୫-୧ ଗୋଲରେ ପରାସ୍ତ କରିଥିଲା ଓଡ଼ିଶା । ଏଥିସହ ପ୍ରଥମଥର ପାଇଁ ପୁରୁଷ ହକି ଚାମ୍ପିଅନସିପରେ ସ୍ଵର୍ଣ୍ଣ ପଦକ ହାସଲ କରି ଇତିହାସ ରଚିଛି ଓଡ଼ିଶା ହକି ଟିମ୍ । ଶିଳାନନ୍ଦ ଲାକ୍ରା ଏକାକୀ ୩ଟି ଗୋଲ ଦେଇଥିଲେ । ସେହିପରି ଆକାଶ ତିର୍କୀ ଓ ପ୍ରତାପ ଲାକ୍ରା ଗୋଟିଏ ଲେଖାଏଁ ଗୋଲ କରିଥିଲେ। ଅନ୍ୟପଟେ ହରିୟାଣା ତରଫରୁ ଯୋଗିନ୍ଦର ସିଂହ କେବଳ ଗୋଟିଏ ଗୋଲ ସ୍କୋର କରିଥିଲେ।