ଗୋଡାଉନରେ ଅଗ୍ନିକାଣ୍ଡ: ୨ ମୃତ

ନୂଆଦିଲ୍ଲୀ: ଆଜି ପୂର୍ବାହ୍ନରେ ପଶ୍ଚିମ ଦିଲ୍ଲୀର କିର୍ତ୍ତୀ ନାଗର ଅଞ୍ଚଳରେ ଏକ ଆସବାବପତ୍ର ଗୋଡାଉନରେ ବ୍ୟାପକ ଅଗ୍ନିକାଣ୍ଡ ଘଟି ଦୁଇ ଜଣଙ୍କର ଶ୍ୱାସରୁଦ୍ଧ ହୋଇ ମୃତ୍ୟୁ ଘଟିଛି ବୋଲି ସୂଚନା ମିଳିଛି । ଗୋଡାଉନ ର ଟେରାସରେ ଥିବା ଏକ କୋଠରୀରେ ଶୋଇଥିବା ବେଳେ ନିଆଁ ଲାଗିଥିଲା । ଆସବାବପତ୍ର ଗୋଡାଉନରେ ନିଆଁକୁ ନେଇ କଲ ଆସିଥିବାବେଳେ ୬ଟି ଅଗ୍ନିଶମ ବାହିନୀ ଘଟଣାସ୍ଥଳରେ ପହଂଚିଥିଲା। ଦୁଇ ଜଣଙ୍କୁ ଉଦ୍ଧାର କରାଯାଇ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ସେଠାରେ ସେମାନଙ୍କୁ ମୃତ ଘୋଷଣା କରାଯାଇଥିଲା। ପୋଲିସର ସୂଚନା ଅନୁଯାଇ ଦୁଇଜଣ କର୍ମଚାରୀ ଅତୁଲ ରାୟ (୪୫ ) ଏବଂ ରିକ୍ସା ଚାଳକ ନନ୍ଦ କିଶୋର (୬୫ ) ବର୍ଷୀୟଙ୍କୁ ଡାକ୍ତରଖାନାରେ ମୃତ ଘୋଷଣା କରାଯାଇଥିଲା। ରାୟ ଗୋଡାଉନରେ କାମ କରିଥିଲେ ଏବଂ ସେଠାରେ ଶୋଇଥିବା ବେଳେ ସେମାନଙ୍କ ଶ୍ୱାସରୁଦ୍ଧ ହୋଇ ମୃତ୍ୟୁ ହୋଇଥିବା ସୂଚନା ରହିଛି।