ଗଳାକାଟିଯୁବକ ଯୁବତୀଙ୍କୁ ହତ୍ୟା ଉଦ୍ୟମ

ଯାଜପୁର: ଯାଜପୁରରୁ ରକ୍ତ ଜୁଡୁବୁଡୁ ଅବସ୍ଥାରେ ଯୁବକ-ଯୁବତୀଙ୍କୁ ଉଦ୍ଧାର କରାଯାଇଛି। ପାଣିକୋଇଲି ଥାନା ମାଳହାଟ ନିକଟରୁ ଯୁବକ-ଯୁବତୀ ଉଦ୍ଧାର। ଯୁବକ-ଯୁବତୀଙ୍କୁ ଧାରୁଆ ଅସ୍ତ୍ରରେ ଗଳାକାଟି ହତ୍ୟା ଉଦ୍ୟମ। ଗୁରୁତର ଅବସ୍ଥାରେ ଯାଜପୁର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ଯୁବକ-ଯୁବତୀ ଯାଜପୁର ଜିଲ୍ଲାର କୋରେଇ ଥାନା ଅଞ୍ଚଳର ହୋଇଥିବା ସୂଚନା ମିଳିଛି। ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି। କିଏ ଏବଂ କାହିଁକି ହତ୍ୟା ଉଦ୍ୟମ କରିଥିଲା ଏପର୍ଯ୍ୟନ୍ତ ଜଣାପଡିନାହିଁ। ଅଧିକ ତଥ୍ୟ ପାଇଁ ତଦନ୍ତ ଜାରି ରହିଛି।