ଜୁଆ ଆଡ୍ଡା ଉପରେ ଚଢାଉ: ୨୯ ଲକ୍ଷ ଜବତ

ନୂଆପଡ଼ା: ନୂଆପଡ଼ା ଜିଲ୍ଲା ଜଙ୍କ ଥାନା ଅଞ୍ଚଳରେ ପୋଲିସ କୁ ମିଳିଛି ଏକ ବଡ ସଫଳତା । ଏକ ଜୁଆ ଆଡା ଉପରେ ପୁଲିସର ଚଢ଼ାଉ କରିଥିବା ବେଳେ , ଜୁଆ ଆଡ୍ଡାରୁ ୨୯ ଲକ୍ଷରୁ ଅଧିକ ଟଙ୍କା ଜବତ ହୋଇଥିବା ବେଳେ ୮୦ ଜଣ ଜୁଆଡିଙ୍କୁ ଗିରଫ କରିଛି ପୁଲିସ । ଘଟଣାସ୍ଥଳରୁ ୭୪ଟି ମୋବାଇଲ ଫୋନ ଓ ଜୁଆ ଖେଳରେ ବ୍ୟବହୃତ ସାମଗ୍ରୀ ମଧ୍ୟ ପୁଲିସ ଜବତ କରିଛି । ଛତିଶଗଡ ସୀମାନ୍ତ ନୂଆପଡା ଜିଲ୍ଲାର ଜଙ୍କ ଥାନା ଅଞ୍ଚଳରେ ଏକ ବଡ଼ ଧରଣର ଜୁଆ ଆଡ୍ଡା ଚାଲିଥିବା ଖବର କୌଣସି ସୂତ୍ରରୁ ପାଇଥିଲା ପୁଲିସ । ଡିଜିପି ଶ୍ରୀ ଯୋଗେଶ ବାହାଦୁର ଖୁରାନିଆଙ୍କ ନିର୍ଦ୍ଦେଶ କ୍ରମେ ପୁଲିସ ଜୁଆ ଆଡ୍ଡା ଉପରେ ଚଢ଼ାଉ କରିଛି । ପୁଲିସର ଘଟଣାର ତଦନ୍ତ ଜାରି ରହିଛି ।