ଏନଏଚରେ ଦୁର୍ଘଟଣା ହେଲେ ମିଳିବ ମାଗଣା ଚିକିତ୍ସା – ମନ୍ତ୍ରୀ  

ନୂଆଦିଲ୍ଲୀ : ଜାତୀୟ ରାଜପଥରେ  ଦୁର୍ଘଟଣାଗ୍ରସ୍ତ ହେଲେ ମିଳିବ ମାଗଣା ଚିକିତ୍ସା ।  ଏନେଇ  ଏକ ନୂଆ ସ୍କିମ ଘୋଷଣା କରିଛନ୍ତି  କେନ୍ଦ୍ର ସଡକ  ପରିବହନ ମନ୍ତ୍ରୀ  ନୀତିନ ଗଡକାରୀ । କହିଛନ୍ତି  ଯଦି ଜାତୀୟ ରାଜପଥରେ  ଦୁର୍ଘଟଣାରେ ଆହତ ହେଲେ  ଜଣେ ବ୍ୟକ୍ତିଙ୍କୁ ୭ ଦିନ ପଯ୍ୟନ୍ତ  ମାଗଣା ଚିକିତ୍ସା ମିଳିବ ।  ସର୍ୱାଧିକ ଅଢେଇ ଲକ୍ଷ ଟଙ୍କା ପଯ୍ୟନ୍ତ ମାଗଣା ଚିକିତ୍ସା ଯୋଗାଇ ଦିଆଯିବ ।ଏଥିପାଇଁ ଦୁର୍ଘଟଣା ଘଟିବାର ୨୪ ଘଂଟା ଭିତରେ ପୋଲିସକୁ ଖବର ଦେବାକୁ ପଡ଼ିବ । ସେହିପରି ଯଦି ଜାତୀୟ ରାଜପଥରେ ହିଟ୍ ଆଣ୍ଡ ରନ୍ ଘଟଣାରେ କାହାରି ମୃତ୍ୟୁ ଘଟେ, ତାହେଲେ ମୃତକଙ୍କ ପରିବାରକୁ ୨ ଲକ୍ଷ ଟଙ୍କା ଅନୁକମ୍ପା ରାଶି ମିଳିବ ।