ଆସନ୍ତାକାଲି ବନକଲାଗି ନୀତି: ୫ ଘଣ୍ଟା ସର୍ବସାଧାରଣ ଦର୍ଶନ ବନ୍ଦ

ପୁରୀ: ଆସନ୍ତାକାଲି  ବୌଶାଖ କୃଷ୍ଣ ଦଳମୀ ତିଥିରେ ଶ୍ରୀ ବିଗ୍ରହମାନଙ୍କ ବନକ ଲାଗି ନୀତି ଅନୁଷ୍ଠିତ  ହେବ । ଦତ୍ତ ମହାପାତ୍ର ସେବକମାନେ  ଶ୍ରୀ ବିଗ୍ରହ ଶୃଙ୍ଗାର କରିବେ । ଦ୍ୱିତୟ ଭୋଗ ମଣ୍ଡପ ପରେ  ଏହି ନୀତି  ଆରମ୍ଭ ହେବ ।  ଏଥିପାଇଁ ୫ ଘଣ୍ଟା  ସର୍ୱସାଧାରଣ ଦର୍ଶନ ବନ୍ଦ ରହିବ ବୋଲି ଶ୍ରୀ ମନ୍ଦିର ପ୍ରଶାସନ ସୂଚନା ଦେଇଛନ୍ତି । ବୁଧବାର ଦ୍ୱିତୀୟ  ଭୋଗମଣ୍ଡପ ଭୋଗ ଶେଷ ହେବା ପରେ  ଅପରାହ୍ଣ ୫ଟାରୁ  ରାତି ୧୦ଟା  ପଯ୍ୟନ୍ତ  ବନକ ଲାଗି ନୀତି ଅନୁଷ୍ଠିତ  ହେବ ।  ରାତି ୧୦ଟା  ପରେ ସର୍ୱସାଧାରଣ ଦର୍ଶନ ସ୍ୱାଭାବିକ  ହେବ ବୋଲି  ଶ୍ରୀ ମନ୍ଦିର ପ୍ରଶାସନ ପକ୍ଷରୁ ସୂଚନା ଦିଆଯାଇଛି ।