ଶୀଘ୍ର ଓଜନ ହ୍ରାସ କରିବାକୁ ହେଲେ ଆପାଣାନ୍ତୁ ଏହି ଉପାୟ

ଭୁବନେଶ୍ୱର: ଯଦି ଆପଣ ଶୀଘ୍ର ଓଜନ ହ୍ରାସ କରିବାକୁ ଚାହାଁନ୍ତି ଏବଂ ଆପଣଙ୍କର ପାଚନ କ୍ରିୟାକୁ ମଧ୍ୟ ଉନ୍ନତ କରିବାକୁ ଚାହାଁନ୍ତି, ତେବେ ସକାଳେ ଖାଲି ପେଟରେ କିଛି ଭାରତୀୟ ପାନୀୟ ପିଇବା ଅତ୍ୟନ୍ତ ଲାଭଦାୟକ ହୋଇପାରେ। ଏହି ପାନୀୟଗୁଡ଼ିକ କେବଳ ଆପଣଙ୍କର ମେଟାବୋଲିଜିମକୁ ତ୍ୱରାନ୍ୱିତ କରେ ନାହିଁ ବରଂ ଆପଣଙ୍କୁ ସାରା ଦିନ ଉର୍ଜାପୂର୍ଣ୍ଣ ରଖିଥାଏ।  ପାନମହୁରି ବହୁ ଦିନ ଧରି ଏସିଡିଟି ଏବଂ ପେଟ ଫୁଲିବା ପାଇଁ ଏକ ପ୍ରାକୃତିକ ଉପଚାର ଭାବରେ ବ୍ୟବହୃତ ହୋଇଆସୁଛି। ପ୍ରତିଦିନ ପାନମହୁରି ପାଣି ପିଇବା ଦ୍ୱାରା ଓଜନ ହ୍ରାସ ଏବଂ ପାଚନ ଶକ୍ତି ବୃଦ୍ଧି ପାଇଥାଏ। 1 ଚାମଚ ପାନମହୁରି ଗୁଣ୍ଡ କରନ୍ତୁ, ତା’ପରେ 1 କପ୍ ପାଣିରେ 3 ରୁ 5 ମିନିଟ୍ ପର୍ଯ୍ୟନ୍ତ ଫୁଟାନ୍ତୁ।  ଓଜନ ହ୍ରାସ ପାଇଁ ଆପଣଙ୍କ ଖାଦ୍ୟରେ ଆପଲ୍ ସାଇଡର୍ ଭିନେଗାର ସାମିଲ କରନ୍ତୁ। ଏହା ଶରୀରର ଚର୍ବିକୁ ଶୀଘ୍ର ହ୍ରାସ କରି ଟ୍ରାଇଗ୍ଲିସେରାଇଡ୍ସକୁ ନିୟନ୍ତ୍ରଣ କରିପାରିବ। ଗୋଟିଏ ଗ୍ଲାସ୍ ପାଣିରେ ୧ ଚାମଚ ଆପଲ୍ ସାଇଡର୍ ଭିନେଗାର ସହିତ ଏକ ଚିମୁଟାଏ ଡାଲଚିନି ମିଶାଇ ପିଅନ୍ତୁ। ଏହା ଚର୍ବି ଜାଳିବାରେ ଏବଂ ଭୋକ ଦମନ କରିବାରେ ସାହାଯ୍ୟ କରେ।