ଖଇରାରେ ଅଗ୍ନିକାଣ୍ଡ :  ଜଳିପୋଡି ସବୁ ପାଉଁଶ

ବାଲେଶ୍ୱର : ବାଲେଶ୍ୱର  ଜିଲ୍ଲା ଖଇରା ବ୍ଲକ କୁରୁଣ୍ଟା  ପଞ୍ଚାୟତ  ପାଞ୍ଚପୋଛିଆ ଗ୍ରାମରେ   ଭୟାବହ ଅଗ୍ନିକାଣ୍ଡ ଘଟିଛି ।  ଅଗ୍ନିକାଣ୍ଡରେ  ପ୍ରଶାନ୍ତ ବେହେରାଙ୍କ ଦୋକାନ ଘର ପୋଡିଯାଇଥିଲା । ନିଆଁର ଧାସ ଏତେ ପ୍ରଖର ଥିଲା ଯେ ତାଙ୍କ ଘର ଯାଏଁ ବ୍ୟାପି ଯାଇଥିଲା । ଫଳରେ ଚାଉଳ ସହ କିଛି ଆସବାବପତ୍ର ପୋଡି ପାଉଁ ଶ ହୋଇଯାଇଛି । ଦୋକାନରେ ଥିବା ୧୨ ଲକ୍ଷ ଟଙ୍କାର ସାମଗ୍ରୀ ପୋଡି ଛାରଖାର ହୋଇଯାଇଛି । ଏହାକୁ ଦେଖି ଲୋକ ଡରିଯାଇଛନ୍ତି  । ଅଞ୍ଚଳବାସୀ ଦମକଳବାହିନୀକୁ ଖବର ଦେଇଥିଲେ । ହେଲେ ବିଳମ୍ବରେ ପହଞ୍ଚିଥିଲା ଅଗ୍ନିଶମ ବାହିନୀ ।  ତେବେ ନିଆଁ କିଭଳି ଲାଗିଲା ଏ ଯାଏଁ ସ୍ପଷ୍ଟ ହୋଇନାହିଁ  । ସଟ ସର୍କିଟରୁ ନିଆଁ ଲାଗିଛି ବୋଲି  ଆକଳନ କରାଯାଉଛି ।