ରାଷ୍ଟ୍ରପତି ଭବନ ନିକଟରେ ଅଗ୍ନିକାଣ୍ଡ

ନୂଆଦିଲ୍ଲୀ: ରାଜଧାନୀ ଦିଲ୍ଲୀରୁ ଏକ ବଡ଼ ଖବର ଆସୁଛି। ମଙ୍ଗଳବାର ଅପରାହ୍ନରେ ରାଷ୍ଟ୍ରପତି ଭବନର ଗେଟ୍ ନମ୍ବର ୩୧ ନିକଟରେ ଥିବା ଏକ କୋଠାରେ ଅଗ୍ନିକାଣ୍ଡ ଘଟିଥିଲା। ଅଗ୍ନିକାଣ୍ଡର ଖବର ପାଇବା ମାତ୍ରେ ଦିଲ୍ଲୀ ଅଗ୍ନିଶମ ସେବା (ଡିଏଫଏସ) ଘଟଣାସ୍ଥଳକୁ ତୁରନ୍ତ ପାଞ୍ଚଟି ଦମକଳ ଗାଡ଼ି ପଠାଇଥିଲା। ଜଣେ ଡିଏଫଏସ ଅଧିକାରୀ କହିଛନ୍ତି ଯେ ଦୁଇ ମହଲା ବିଶିଷ୍ଟ କୋଠାର ତଳ ମହଲାରେ ଥିବା ଘରୋଇ ଜିନିଷପତ୍ରରେ ନିଆଁ ଲାଗିଯାଇଥିଲା। ଘଟଣାଟି ଅପରାହ୍ନ ୧:୫୧ରେ ରିପୋର୍ଟ କରାଯାଇଥିଲା। ସେ କହିଛନ୍ତି ଯେ ୨୦ ମିନିଟ୍ ମଧ୍ୟରେ ନିଆଁକୁ ନିୟନ୍ତ୍ରଣ କରାଯାଇଥିଲା। ଆମେ ଘଟଣାସ୍ଥଳକୁ ପାଞ୍ଚଟି ଦମକଳ ଗାଡ଼ି ପଠାଇଥିଲୁ। ଅପରାହ୍ନ ୨:୧୫ ସୁଦ୍ଧା ନିଆଁକୁ ନିୟନ୍ତ୍ରଣ କରାଯାଇଥିଲା।