ମାଲକାନଗିରି: ସାରା ରାତି ମାଲକାନାଗିରି ଏମଭି ୨୬ ଗାଁରେ ପୁଲିସ ପଇଁତରା ମାରିଛି । ଏମଭି ୨୬ ସମେତ ଆଖପାଖ ଗାଁରେ ମଧ୍ୟ ସୁରକ୍ଷା ଯୋଗାଇଛି । ପୁଲିସ ଓ ବିଏସଏଫ ଯବାନ ମୁତୟନ ରହିଛନ୍ତି । ସେପଟେ ଗାଁରୁ ଅନେକ ଗ୍ରାମବାସୀ ନିଜ ସମ୍ପର୍କୀୟ ଏବଂ ଅନ୍ୟତ୍ର ସ୍ଥାନରେ ଆଶ୍ରୟ ନେଇଥିବା ଜଣାପଡିଛି । ପ୍ରଶାସନ ପକ୍ଷରୁ ଗତରାତିରୁ ହିଁ କ୍ଷୟକ୍ଷତିର ଆକଳନ ପ୍ରକ୍ରିୟା ଆରମ୍ଭ ହୋଇଛି । ଏନେଇ ଜିଲ୍ଲାପାଳ ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରିଛନ୍ତି । ତଦନ୍ତ ଦାବିରେ ପୁଲିସ ଉପସ୍ଥିତିରେ ଲଙ୍କାକାଣ୍ଡ ଘଟାଇଲେ ଗ୍ରାମବାସୀ । ଅନେକ ଘର ଜାଳିଦେବା ସହ ଦୋକାନ ଲୁଟିଥିଲେ । ଅନ୍ୟପଟେ ଏମଭି- ୨୬ ଓ ରାଖେଲଗୁଡା ଗାଁର ୧୦ କିମି ପରିଧି ମଧ୍ୟରେ ୧୬୩ ଜାରି ହୋଇଛି । ଏମଭି ୨୬ରେ ଥିବା ଆବାସିକ ବିଦ୍ୟାଳୟ ୪ ଦିନ ପାଇଁ ଛୁଟି ଘୋଷଣା କରାଯାଇଛି । ରାଖେଲଗୁଡାର ମହିଳାଙ୍କ ମୁଣ୍ଡବିହୀନ ମୃତଦେହ ମିଳିବା ପରେ ଉତ୍ତେଜନା ଦେଖାଦେଇଛି । ଗୋଟିଏ ଗୋଷ୍ଠୀ ଅନ୍ୟ ଗୋଷ୍ଠୀଙ୍କ ଘରେ ନିଆଁ ଲଗାଇବା ସହ ଭଙ୍ଗାରୁଜା କରିଛନ୍ତି ।
୨ ଗାଁ ମଧ୍ୟରେ ପୋଡାଜଳା: ବିଏନଏସ ୧୬୩ ଜାରି
