ତେଲ କାରଖାନାରେ ଅଗ୍ନିକାଣ୍ଡ: ୨ ମୃତ

ନୂଆଦିଲ୍ଲୀ: ମଧ୍ୟପ୍ରଦେଶର ଧାର ଜିଲ୍ଲାରେ, ଗତକାଲି ପିଥମପୁରରେ ଏକ ଲୁବ୍ରିକେଣ୍ଟ ତେଲ କାରଖାନା ପରିସରରେ ଏକ ଟ୍ୟାଙ୍କରରେ ନିଆଁ ଲାଗିଯିବାରୁ ଦୁଇଜଣଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ଦୁଇଜଣ ଆହତ ହୋଇଛନ୍ତି। ପିଥମପୁର ସବ-ଡିଭିଜନାଲ୍ ମାଜିଷ୍ଟ୍ରେଟ୍ ରାହୁଲ ଗୁପ୍ତା କହିଛନ୍ତି, “କାରଖାନା ଭିତରେ ଲୁବ୍ରିକେଣ୍ଟ ତେଲ ଭର୍ତ୍ତି ଏକ ଟ୍ୟାଙ୍କରରେ ନିଆଁ ଲାଗିଯାଇଥିଲା। ନିଆଁ ଏତେ ଭୟଙ୍କର ଥିଲା ଯେ ନୀରଜ (୨୩) ଏବଂ କଳ୍ପେଶ (୩୫) ନାମକ ଦୁଇ ଜଣ ପୁରୁଷ ପୋଡ଼ି ମୃତ୍ୟୁବରଣ କରିଥିଲେ।” ଏହି ଘଟଣାରେ ଟ୍ୟାଙ୍କର୍ ଡ୍ରାଇଭର ମନୋଜ ଝା ଏବଂ ଅଗ୍ନିଶମ କର୍ମଚାରୀ ଦିଲୀପ ସିଂହ ଯାଦବ, ଅନ୍ୟ ଦୁଇ ଜଣ ଆହତ ହୋଇଛନ୍ତି। ସେମାନଙ୍କର ଇନ୍ଦୋରରେ ଚିକିତ୍ସା ଚାଲିଛି। ସୂଚନା ପାଇବା ପରେ, ଇନ୍ଦୋର ଏବଂ ପିଥମପୁରରୁ ଅତି କମରେ ଚାରୋଟି ଅଗ୍ନିଶମ ବାହିନୀ ଗାଡ଼ି ଘଟଣାସ୍ଥଳକୁ ପଠାଯାଇଥିଲା।ଅଧିକାରୀ ଜଣକ କହିଛନ୍ତି ଯେ ଚାରି ଘଣ୍ଟା ମଧ୍ୟରେ ନିଆଁକୁ ନିୟନ୍ତ୍ରଣ କରାଯାଇଥିଲା। ସେ ଆହୁରି ମଧ୍ୟ କହିଛନ୍ତି ଯେ ଅଗ୍ନିକାଣ୍ଡର କାରଣ ଏପର୍ଯ୍ୟନ୍ତ ଜଣାପଡିନାହିଁ ଏବଂ ତଦନ୍ତ ଚାଲିଛି।