ଡିଜେ ପାଇଁ ବାପାଙ୍କ ଜୀବନ ଗଲା: ଦେବୀ ରଥଙ୍କ ପୁଅ

ଜଗତସିଂହପୁର: ଯାତ୍ରା କଳାକାର  ଦେବୀ ରଥଙ୍କ ମୃତ୍ୟୁ ନେଇ  ପୁଅ ଆଣିଲେ  ଗୁରୁତର  ଅଭିଯୋଗ । ଡିଜେର ବିକଟାଳ ଶବ୍ଦରେ  ମୋ ବାପାଙ୍କ ଜୀବନ  ଚାଲିଗଲା ।  କାଲି ପାରାଦୀପ ଗଡରେ କାର୍ତ୍ତିକ ପୂର୍ଣ୍ଣିମା ପାଇଁ ଶୋଭାଯାତ୍ରା ହେଉଥିଲା ।  କାହାକୁ  କହିଲେ ବି କେହି ଶୁଣିଲେନି, ଆମ ଘର ଦୁଲୁକୁଥିଲା ।  ଏକାସଙ୍ଗେ ଜଣେ ୩ଟି ଡିଜେ ଗାଡି କର୍କଶ ଶବ୍ଦ କରି ଶୋଭାଯାତ୍ରା କଲେ ।  କିପରି  ଜଣେ ୭୧ ବର୍ଷୀୟ  ଅସୁସ୍ଥ ଲୋକ ଏହାକୁ ସମ୍ଭାଳି ଥାନ୍ତେ ।  ରାତି ସାଢେ ୨ଟା ପର୍ଯ୍ୟନ୍ତ ସବୁ ଠିକ ଥିଲା ।  ଡିଜେ ବାଜିଲା ପରେ ମୃତ୍ୟୁ ହୋଇଛି । ସୂଚନାଥାଉକି, ଆଜି ଯାତ୍ରାକଳାକାର ଦେବୀ ପ୍ରସାଦ ରଥଙ୍କର ପରଲୋକ ହୋଇଛି । ଆଜି ଭୋର ସମୟରେ ହୃଦଘାତରେ ତାଙ୍କର ପରଲୋକ ହୋଇଛି ।  ଜଗତସିଂହପୁର ପାରାଦୀପ ଗଡ ସ୍ଥିତ ବାସଭବନରେ ହୃଦଘାତରେ  ସେ ଆଖି ବୁଜିଛନ୍ତି ।  ୨୦୧୭ରୁ  ଯାତ୍ରା ଜଗତରୁ ବିଦାୟ ନେଇଥିଲେ ଦେବୀ ପ୍ରସାଦ । ୪୨ ବର୍ଷ ଧରି ଜାମାରୁ ଅଭିନୟ କରି ଯାତ୍ରା ମଞ୍ଚରେ ଅଭିନୟ ଜାରି ରଖିଥିଲେ ।