ମନମୁଣ୍ଡା : ଗତକାଲି ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ମନମୁଣ୍ଡା ରାଜ୍ୟ ରାଜପଥର ପଲାଶାଗୋରା କଲେଜ ଛକଠାରେ ଘଟିଛି ମର୍ମନ୍ତୁଦ ସଡକ ଦୁର୍ଘଟଣା ବାଇକ ଦୁର୍ଘଟଣାରେ ବାପାର ମୃତ୍ୟୁ ହୋଇଥିବା ବେଳେ ପୁଅ ଗୁରୁତର ଆହତ ହୋଇଥିବା ଜଣାପଡିଛି । ମନମୁଣ୍ଡା ଥାନା ଖଟଖଟିଆ ପଞ୍ଚାୟତ ସୌରିପାଲି ଗ୍ରାମର ଅରୁଣ ବଣ୍ଡକି(୬୦) ଓ ତାଙ୍କ ପୁଅ ରୋହିତ ବଣ୍ଡକି ( ୩୫) ଏକ ମୋଟରସାଇକେଲରେ ପଲାଶାଗୋରାରୁ ଘରକୁ ଫେରୁଥିବା ବେଳେ କଲେଜ ଛକ ନିକଟ ବୁଲାଣି ପାଖରେ ଏକ ବୋଲେରୋ ପିକଅପ ବାଇକକୁ ଧକ୍କା ଦେଇଥିଲା । ଫଳରେ ଉଭୟ ବାପ ପୁଅ ଛିଟିକି ପଡିଥିଲେ। ଘଟଣା ସ୍ଥଳରେ ବାପା ଅରୁଣଙ୍କ ମୃତ୍ୟୁ ହୋଇଥିବା ବେଳେ ଗୁରୁତର ରୋହିତଙ୍କୁ ପ୍ରଥମେ ସୋନପୁର ମେଡିକାଲ ଓ ପରେ ବୁର୍ଲା ସ୍ଥାନାନ୍ତର କରାଯାଇଛି।
